بەرنامەی دووهەمین کۆنفرانسی هاوبەشی نێودەوڵەتیی توێژینەوەی زمان و وێژەی کوردی و فارسی

داگرتنی بەرنامەی دووهەمین کۆنفرانسی هاوبەشی نێودەوڵەتیی توێژینەوەی زمان و وێژەی کوردی و فارسی(زمان‌ناسی و بووتیقا)

پێگه‌ی هه‌واڵنێری ماڵی کتێبی کوردی–دووهەمین کۆنفرانسی نێودەوڵەتیی توێژینەوەی زمان و وێژەی کوردی و فارسی، لە لایەن زانستگای کوردستان و بە هاوکاری زانستگای سەلاحەدین و زانستگای ڕاپەرین، ڕۆژانی ۱۹ و ۲۰ی جۆزەردانی ۱۳۹۸ی هەتاوی، لە شاری سنە بەڕێوە دەچێت.

بە پێی ڕاگەیندراوی بەڕێوەبەرایەتیی کۆنفرانسەکە، تەوەر و ئامانجی سەرەکیی کۆنفرانس بریتییە لە توێژینەوەی زاراوە ناسانە، ڕوانگەی نوێ لە بواری نووسینی ڕێزمان بۆ زمانی کوردی، خوێندنەوەی خەسارناسانەی زانستی فۆنیم، لێکۆڵینەوەی خەسارناسانەی ڕێنووسی کوردی، زمان ناسیی تیۆریک و هەروەها توێژینەوەی زمان ناسیی کۆمەڵایەتی بە ئامانجی هەڵگرتنی هەنگاوێکی تر بەرەو لێکۆڵینەوەی ئاکادیمیک و زانستییانە و هەروەها ناساندن و ڕوون کردنەوەی لایەنەکانی زمان و وێژە و فۆلکلۆری کوردی و بەرەو پێش بردنی ڕەوتی لێکۆڵینەوەی زانستی بە زمانی کوردی.

ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.