بەرگی پێنجی زنجیرە کتێبەکانی پیشە کۆنەکانی شاری سنە لە ژێر ناوی “کەوشدۆزی” بڵاو کرایەوە.

بەرگی پێنجی زنجیرە کتێبەکانی پیشە کۆنەکانی شاری سنە لە ژێر ناوی “کەوشدۆزی” بڵاو کرایەوە.

زنجیرە کتێبەکانی  پیشە کۆنەکانی شاری سنە، بە هەوڵ و چالاکیی بەرپرسی کارگرووپی پیشە کۆنەکانی گرووپی توێژینەوەیی  مێژوو و فەرهەنگی  توێژینگەی کوردستان‌ناسی، “فەرەیدوون حسەین‌پەناهی”یە کە تا ئێستا پێنج بەرگی بە ناوەکانی ” ئاسنگەری” ” مسگەری” ” حەڵەبی‌سازی”  زەڕنگەری” و ” کەوشدۆزی” کەوتووەتە بەر دیدی خوێنەران.

بەرگی پێنجی ئەم زنجیرە کتێبە لە ژێر ناوی ” کەوشدۆزی” بەرهەمی هەوڵە زانستییەکانی ئەم توێژەرەیە کە چوار پاژ و پاشکۆیەک له خۆ دەگرێت کە بریتین له: “بابەتە گشتییەکان، مادە و ئامێرەکان، لایەنی کۆمەڵایەتیی کەوشدۆزی و سواکارە بەناوبانگەکان”.

جێی ئاماژەیە کە ئەم کتێبە بەرهەمی زانستیی-توێژینەوەیی گرووپی مێژوو و فەرهەنگی توێژینگەی کوردستان‌ناسییە و لە لایەن دەزگای چاپ و پەخشی پەخشانگای زانکۆی کوردستان بڵاوکراوەتەوە.