خانه / پێشنیاری ده‌سته‌ی نووسه‌ران / نامەیەک بۆ مامۆستا سەلاحەددینی ئاشتی چرا هەمیشە گەشەکەی مەهاباد

نامەیەک بۆ مامۆستا سەلاحەددینی ئاشتی چرا هەمیشە گەشەکەی مەهاباد

نامەیەک بۆ مامۆستا سەلاحەددینی ئاشتی چرا هەمیشە گەشەکەی مەهاباد و ئاوەدانی ماڵی زمان و ئەدەبی کوردی!

بەیانی باش، دڵنیام لای هەڵگرانی ئاڵای جوانی و دادپەروەری، ئاشتی و بەیەکەوە ژیانی جیاوازییەکان، مەرگی “هێمن”ی مەزن مەرگێکی فیزیکی جەستە‌ییە، چونکە هێمن ناتوانێ بمرێ و مردنیش بە هەموو کەس ناوێرێ!

جا بۆ ئەو زمانە لاڵ نەبێ و لە گۆ نەکەوێ کە پێی وایە هێمن بەڕاستی مردووە؟ ئایا دەکرێ ئاوابوونی خۆر لە دەم کەلی ئێوارەدا، سەرهەڵگرتنی ڕووبار ڕووەو دەریا لە سەرچاوەدا، بزر بوونی لووتکەی قەندیل لەناو تەم و کڕێوە‌دا، درەخت لە وەرینی خەزان‌دا، هەور لە داکردنی باران‌دا، ناو بنێین مردن؟

ئەی ئەوەنیه لایەکی کوردستانی مەزن لە خۆشەویستیی مام هێمن منداڵ و گەنجیان ناوی “هێمن”ە!

ئەی ئەوەنیە هەموومان کە سیاسەت ڕاومان دەنێ بە ڕاکەڕاک خۆمان له گەورەماڵی “ناڵەی جودایی” و “له کوێوە بۆکوێ” دەنێین!؟

ئەی ئەوەنیە کەوا کەڕەنای شەڕی ناوخۆ و بە بچووکی نیشان‌دانی کورد و زمانەکەی و سیاسەتی “نان بۆ قەساب و گۆشت بۆ نانەوا!!” لە کورد بوون و لە خوێندنەوە دەمانتۆرێنێ، هێمن لەگەڵ خۆمان ئاشتمان دەکاتەوە؟

ئەی ئەوەنیە هەموومان بەردەوام لە خۆشەویستیی هێمن بیری ئازادی و گوڵ و بەهار و باران و شیری دەستی شەنگەبێری و شمشاڵی شەوێنی شوان دەکەین؟

ئەی ئەوەنیە لە گەرمەی سات‌وسەودا کردن بە نیشتمان و هەڕاج کردنی ئەخلاقی مرۆڤدۆستی، شیعرەکانی هێمن فریامان دەکەوێ و دەمانهێنێتەوە سەر ڕاستەڕێی ئومێد و هەڵسانەوە؟

مامۆستا سەلاحەددینی ئاشتی!

تەنها ئەوانە بۆ گەڕانەوە بۆلای جوانی و ژیان و باوەشی نیشتمان سەر بە ماڵی “هێمن”دا ناکەن کەوا سیاسەت وڕ و کاس و پارە ویژدانی سڕ کردوون! تەنها ئەوانە کاریان بە هێمن نەماوە، کە کاریان بە نیشتمان و مرۆڤدۆستی نەماوە…

ڕاستە هێمن مرد، بەڵام مردنێک باڵاتر لە ژیان.

زیرەک کەمال

ڕۆژی شەممە ۲۰ / ٤/ ۲۰۲۰

چرا هەمیشە گەشەکەی مەهاباد و ئاوەدانی ماڵی زمان و ئەدەبی کوردی.
——————————————–

تێبینی: ئەم یادداشتەم بەپیرەوەچوون و وڵام‌دانەوەیەکە بۆ بیرەوەریی سەلاحەددینی ئاشتی سەبارەت بە کۆچی‌دوایی مامۆستا هێمن کە نووسیویەتی و ناوی ناوە:”هێمن و هەستی پێی مردن”.

! ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە  ڕێگە پێدراوە.

درباره‌ی ماڵی کتێبی کوردی

همچنین ببینید

کۆڕوو «لەیەکەوەدایو سەروو ئەدەبیاتی هامچەرخی هەورامی» زانکۆ کورساننە لوا ڕاوە

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *