خانە کتاب كُردی
کۆڕوو «لەیەکەوەدایو سەروو ئەدەبیاتی هامچەرخی هەورامی» زانکۆ کورساننە لوا ڕاوە
ڕۆو ۷/١٢/۱٤۰۲ی، کۆڕێوە بە نامێو «لەیەکەوەدایو سەروو ئەدەبی هامچەرخی هەورامی» هۆڵوو خەییاموو کۆلێژوو زوان و ئەدەبوو زانکۆ کورسانینە لوا ڕاوە.
ئەنجومەنی زانستی_وانیاری بەشوو زوان و ئەدەبیاتی کوردی زانکۆ کورسانی ڕاوەبەروو ئی کۆڕێ بی کە بە بەشداریو بەڕێزا کورش ئەمینی و فەرشید ڕۆستەمی، دوێ پەنێلێنە بریا ڕاوە. چی ئەرەنیشتەنە، دماو قسەکاو بەڕێز دوکتور یەدوڵا پەشاپادی، سەرۆکوو بەشوو زوان و ئەدەبیاتی کوردی زانکۆ کورسانی و عیرفان کەرەمی، دەبیروو ئەنجومەنی زانستی وانیاری زوان و ئەدەبیاتی کوردی زانکۆ کوردستانی، وەڵێنە بەڕێز کورش ئەمینی، بە باسێوە ورد و زانستی، ئەوەوانایش سەروو ڕەوتوو نەسری هەورامی، کوڵە‌داستان و ڕۆمانێ دلێ ئەدەبیاتی هامچەرخی هەورامینە کەرد و هەرپاسە ڕۆڵوو ئەنجومەنە فەرهەنگی ئەدەبیەکا و چالاکاو زوانی هەورامیش پەی گەشەو نەسری هەورامی هورسەنگنا. دماتەر بەڕێز فەرشید ڕۆستەمی بە شێوێوە ورد و زانستی، ڕەوتوو شێعرێ هامچەرخێ هەورامیێش لەیەکداوە و هەرپاسە خاڵە تایبەتەکا و جیاکەرەوەکاو شێعرێ هەورامیێش پێشکەشوو بەشدارا کەردێ. ئی بەڕێزێ هەرپاسە نموونە دەقی شێعری و نەسری و بەشێوە جە نویسەرەکاو ئارۆو ئەدەبیاتی هامچەرخی هەورامیشا ژناسنێ بە گۆش‌گیرا و وینەرا. ئی ئەرەنیشتەیە لایەنوو مامۆسایا و وانیاراو زانکۆ کورسانیوە پێشوازیش چەنە کریا.
ئامادەکار: عێرفان کەرەمی
وێنە:
هر نوع بازنشر این متن با ذکر منبع «کانال کردستان‌نامە» مجاز است.
