خانە کتاب كُردی
كۆمەڵگەی دوای زانیاری
ئـــەم كتێبــــە لــــە نووســــــــینی د. نیهاب خەلیفەیە كە نـــــەوزاد عــومەر عەلی لە عەرەبییەوە كردوویەتی بە كوردی و دەزگــــای چاپ و پەخشـــــی سەردەم بە تیراژی ۱۰۰۰ دانە چاپ و بڵاویكردۆتەوە.
كتێبەكە زانستییە، باس لە دڵەڕاوكێی مرۆڤ لە دەستكاریكردنی تایبەتمەندییە بایۆلۆژییەكانی لە رێگەی تەكنۆلۆژیا زیرەكەكانەوە تا دێت زیاتر و گەورەتر دەبێت، ئەگەرچی لە پشت ئەمانەوە بە پلەی یەكەم پاساو و هۆكاری ئەخلاقی و پزیشكی هەن، بۆ نموونە وەك چاندنی دەست و پێی دەستكرد بۆ ئەو كەسانەی كە ئەندامێكیان لەدەستداوە، یان دەرئەنجامی تووشبوونیان بە نەخۆشییەك جۆرێك ئیفلیجییان تێدا دەركەوتووە، بەڵام بە مەبەستی بازرگانی و قازانجكردن گرنگترین هۆكاری بەكارهێنان و پێشكەوتنی ئەم جۆرە تەكنۆلۆژیایانەیە لە ژیانی رۆژانەماندا. ئەمە بۆ ئەوە نییە ببێت بە جێگرەوەی مۆبایل و كارتی بانكی و وشەی نهێنی، بەڵكو دەیانەوێت ببێت بە عەقڵێكی دەستكرد لە پاڵ عەقڵی سروشتیی مرۆڤدا، ئەم تێكەڵكردنەش تواناكانی عەقڵی سروشتیی مرۆڤ زیرەكتر دەكات.
