خانە کتاب كُردی
گابۆڕ بەرھەمی سەیدقادر ھیدایەتی بە زمانی ئینگلیزی لە ئامریکا بڵاو دەکرێتەوە
گابۆڕ لە نووسینی سەید قادر هیدایەتی و بە وەرگێڕانی چیا پەرویزپوور و حوورییە مەلکی لە لایەن چاپەمەنی هەنارپرێس لە مانگی چواری ٢٠٢٦ لە ئامریکا چاپ و بڵاو ئەکرێتەوە. هەنار پرێس دەزگا و چاپەمەنییەکە کە تەرخان کراوە بۆ ئەدەبی کوردی بە زمانی ئینگلیسی. وەکوو دەنگی کورد لە ئامریکا، هەنار پرێس هەوڵی ئەوە ئەدات ئەدەبی کوردی و دەنگی کورد بە دونیا بگەیەنێت.
چیا پەرویزپوور و حوورییە مەلکی
هەر نەتەوەیەک و ڕەگەزێ لە ئامریکا ناوەندێکی بۆ خۆی هەیە کە بەرهەمەکانی بڵاو بکاتەوە، کوردیش ئێستە کوردستانێکی بچووکی لە ئامریکا هەیە کە ئەم ئەرکەی بۆ جێ‌بەجێ بکات. لە داهاتوویەکی نزیکدا هەر کەس لە دونیا بیەوێت ئەدەبی کوردی بناسێت ئەبێ ڕوو بکات لە ئەم چاپەمەنییە. هەنارپرێس چەندین ساڵە هەوڵی ئەوەی داوە لەگەڵ ناوەند و دەزگاکانی دیکەی بەهێز لە ئامریکا و لە جیهاندا پەیوەندی ساز بکات و پلانگەلێک جۆراوجۆریان دارشتووە بۆ ئەدەبی کوردی. لە داهاتوویەکی نزیکدا، ناوبانگی ئەم ناوەندە دڵخۆشکەرە زۆرتر ئەبیسین.
هر نوع بازنشر این متن با ذکر منبع «خانه کتاب کُردی» مجاز است.
