کتێبە پێشنیارکراوەکانی دوکتۆر بەختیار سەجادی

کتێبە پێشنیارکراوەکانی دوکتۆر بەختیار سەجادی

فەرهەنگی_زانستگای_کوردستان(کوردی بە کوردی/ و کوردی بە فارسی)، بە سەرپەرشتیی ماجد مەردۆخ ڕۆحانی؛ ۴بەرگی؛ ساڵی چاپ ۱۳۹۷هەتاوی
? هۆی هەڵبژاردن:
✅ یەکێک لە گشتگیرترین و بەرفراوانترین قامووسەکانی زمانی کوردی لە ڕووی ژمارەی سەروشەوە و ئاراستەکردنی زانیاریی جیاجیا و پێویست سەبارەت بە سەروشە بە شێوەیەکی پۆلێن‌کارانە و بە گوێرەی دواهەمین بنەواشەکانی فەرهەنگ‌نووسین.

شەرەفنامە، نووسینی شەرەفخانی بدلیسی، وەرگێڕانی سەلاحەددین ئاشتی، دەزگای چاپەمەنی گوتار و بنکەی ژین
?هۆی هەڵبژاردن:
✅ دەوری گرنگی ئەو کتێبە لە ڕەوتی پەرەسەندنەکانی سوبژێکتیڤیتەی خودهۆشیارانەی کوردیدا لە لایەکەوە و، زمانی ڕەسەن و دەوڵەمەندی وەرگێڕانەکەی لە ڕووی پێکهاتە و ڕستەسازییەوە لەگەڵ پاراستنی ناواخنی دەقی سەرچاوە.

هەرا و تووڕەیی، نووسینی: ویلیام فاکنێر، وەرگێڕانی: محەمەد ڕەمەزانی، نەشری گوتار
?هۆی هەڵبژاردن:
✅ جێگە و پێگەی بەرچاوی ئەو ڕۆمانە لە ئەدەبی نوێخوازانەدا بە تایبەت لە ڕووی فۆرمەوە و هاوکات نواندنەوەی بەشێکی گرنگی کێشە دنیاداگرەکانی مرۆڤی هاوسەردەم و، شێوازی پاراو و زمانی سەرنجڕاکێشی وەرگێڕانەکەی لەگەڵ وەفاداربوون بە دەقی سەرچاوە.
ــــــــــــــــــــــــــــــــــــــــــــــــــــــ
♦️جێی ئاماژەیە دوکتۆر #بەختیار_سەجادی بەم بەرهەمانەی خوارەوە بەشداری ۳۱ەمین پیشانگای کتێبی تاران دەبێت.

از رمان تا ملت: پژوهشی در گفتمان روایی فارسی بە کردی، نوشتە هاشم احمدزادە، ترجمە بختیار سجادی، چاپ دوم، ویراست جدید، انتشارات دانشگاە کردستان و انتشارات گوتار

زمان و وێژەی کوردی، نووسینی بەختیار سەجادی و مەزهەر ئیبراهیمی، چاپی دووەم، ناوەندی بڵاوکردنەوەی گوتار

میخاییل باختین و سەودای وتوێژ و ئازادی، نووسینی باختین، تۆدۆرۆف و کۆمەڵێ نووسەر، وەرگێڕانی بەختیار سەجادی، چاپی دووەم، ناوەندی بڵاوکردنەوەی گوتار

سوبژکتیویتە در ادبیات و فلسفە: مبانی و نظریەها، نوشتە دونالد ای. هال، ترجمە بختیار سجادی و دیاکو ابراهیمی، انتشارات دنیای اقتصاد

The_Lacanian_Althusserian_Dialectic: Theoretical Problems and Premises in Investigating the Subject’s Identity, #Bakhtiar_Sadjadi ,Publisher: LAP LAMBERT Academic Publishing (March 14, 2012)

#Friedrich_Nietzsche_and_Post_Structuralism, by #Bakhtiar_Sadjadi ,Publisher: Scholars’ Press (August 4, 2014)