Kurmanciya berhema “Dîroka wêjeya kurdî” ya Dr Marif Xeznedar hate belav kirin

Kurmanciya berhema “Dîroka wêjeya kurdî” ya Dr Marif Xeznedar hate belav kirin

Kurmanciya berhema “Diroka wêjeya kurdî” ya Dr Marif Xeznedar, ji nav weşanên Sazîya Zimanê Kurdî û weşanên Neqşê derket.

Berhema orjînal ku bi zaravayê soranî_tîpên erebî ye, sala 2001ê ji nav weşanên Dezgeha Arasê ya çap û belavkirinê derketiye.

Sazîya Zimanê Kurdî li gel Weşanên Neqşê, ev berhem anîye kurmanciya bi tîpên latînî.

Ev berhem ji 7 bergan pêk tê.

Di her bergekî da, danerî behsa qonaxeke wêjeya kurdî kiriye:
Berga yekem ji destpêkê heta sedsala çardehem.
Berga dûyem ji sedsala çardehem heta sedsala hejdehem.
Berga sêyem nîvê yekem ê sedsala nozdehem.
Berga çarem nîvê dûyem ê sedsala nozdehem û destpêka sedsala bîstem.
Berga pêncem di navbera her dû şerên yekem û dûyem ên sedsala bîstem da.
Berga şeşem ji sala 1914an heta sala 1945an.
Berga heftem ji sala 1945 heta sala 1975an da.

Berhem ji hêla van kesan hatîye wergerandin:
Ibrahîm Şadman, Sergul Areş, Besam Mistefa, Murad Mîlan û Ronya Ĉalî.