ماڵی کتێبی کوردی
ناساندنی گۆڤاری «هانۆ»
گۆڤاری هانۆ، هاوڕێی منداڵانە. شوێنێکە کە لەوێدا، زمانی کوردی، بە چیرۆک و وێنە و کایە، لەگەڵ منداڵان دەدوێ.
هانۆ، گۆڤارێکە پڕ لە خۆشەویستی و دڵسۆزی بۆ منداڵه چاوگەشەکانی کوردستان. لەم گۆڤارەدا، منداڵان هەر مانگە و بە جیهانێک سەرانسەر لە چیرۆکی جوان و شێعری دڵڕفێن و یاری و نیگار و هتد چاویان گەشتر دەبێتەوە.
ئامانجی سەرەکیی هانۆ، چێژ وەرگرتنی منداڵانە لە ژیان، بەبۆنەی دونیایەکی هاوتەریبی دونیای منداڵان و بە ئەدەبیاتی تایبەت بە بیر و هزری ئەوان.
هانۆ، هاوڕێیەکی دڵسۆزە کە باوەشی بۆ هەموو منداڵە ئازیزەکان کراوەیە تا چیرۆک، نیگار و شێعرەکانیان بنێرن بۆی و لەگەڵ ئەو، لەو دونیا جوانەدا ژیان بکەن.
ئەم گۆڤارە لە وەشانخانەی ۴۹books لە سوید چاپ و بڵاو دەکرێتەوە.
گۆڤاری هانۆ، ماڵباتی زمانی کوردییە بۆ هەموو ناوچەکان. تاکوو ئێستا، بابەتەکان بە زاراوەکانی: سۆرانی، کرمانجی و هەورامی چاپ و بڵاو کراونەتەوە، بۆ ئەوەی هەموومان لەوێدا کۆ ببینەوە. داواکارین لە نووسەران و شاعیرانی ئەدەبی منداڵان و مێرمنداڵان لە ناوچە جیاجیاکانی کوردستان و هەموو جیهان، بە زاراوەکانی کەڵهوڕی، زازاکی، لەکی و هتد پەیوەندیمان پێوە بکەن بۆ پتەوتربوون و دەوڵەمەندبوونی زمانی ئەو ماڵباتە؛ تا هەموو ڕۆڵەیەکی کورد، بە زاراوە و زمانی دایکیی خۆی، چێژ لە هانۆ وەربگرێت.
بەرپرسی گشتیی هانۆ: شاڕووخ ئەرژەنگی
سەرنووسەری بەشی سۆرانی: ئازاد سەعیدی
سەرنووسەری بەشی کرمانجی: دڵشا یۆسف
ڕاوێژکاری پەروەردەیی: نووشین مەحموودی، ئەفراسیاب گرامی
لێژنەی نووسەران: جەبار شافعی زاده، ئاکۆ محەمەد سابیر، بێهجەت سەعیدی، مەتین شکاری، شەماڵ نەوڕۆڵی
نیگارکێشەکان: ئەسرین ئەفشار، فەرەنگیس محەممەدی، ئەڤین مەعڕووفی، عاتفە هیدایەتی ڕاد، ژاڵە یووسفی نژاد، حەدیس مەحموودیان، ئەمیرمحەممەد خەلیفی
هەڵەبڕ: پێشەوا هەورامی
دیزاین و گرافیک: شەهرام کەسایی
چاوەڕێین بە هاوکاری و پاڵپشتیتان، ماڵی هانۆ ئاوەدانتر بکەن.
لە دونیای ڕەنگاوڕەنگی “هانۆ”دا، ئێوەش ڕەنگی خۆتان بنوێنن.
هر نوع بازنشر این متن با ذکر منبع «خانه کتاب کُردی» مجاز است.
