ماڵی کتێبی کوردی
قانع و مامۆستا شێرکۆبێکەس
▪️لە ڕۆژی ۲۰۰۳/۳/۳ لە دیدارێکدا لەگەڵ مامۆستا شێرکۆ بێکەس لە سلێمانی، ئەم بەرهەمەم دایە خزمەتی و داوام لێ کرد بیرو ڕای خۆی سەبارەت بە مامۆستا قانع دەرببڕێ، بەڕێزیان گەورەیی زۆریان نواند و کاغەزێکی لەسەر مێزەکەی هەڵگرت و ئەم شیعرەی خوارەوەی بە خەتی خۆی نووسی و فەرمووی من ئەمەم بۆ قانع هەیە. منیش عەرزم کرد: قوربـان جەسارەت نەبێت تەفاوەتی نێوان شێرکۆ بێکەس و قانع چیە؟ فـەرمووی لە زۆر شتدا تەفاوەتمان هەیە. من زۆرێ لە شەوان لەگەڵ ئەو هەمو خەفەتەدا، لەسەر کەشتیێکی تەفریحی لەسەر دەریا، تەماشای ئەستێرە و یاڵەکانم کردوە، خۆشیم ڕابواردوە . بەڵام قانع هیچ کات خۆی لەو چینە چەوساوە جیا نکردوەتەوە و هەرگیز شەوێکی خۆشی ڕانەبواردوە.
منیش پێم خۆش بوو دەسخەتەکەی بکەمە ڕووبەرگی دووەمی بەرهەمەکە، ئەمەش دەقی شێعرەکە:
قانع
ئەو مێوژەی
کە گوندێکی شیعر نەما
لێی نەخوات و
کەچی خۆشی
بە دەمی تاڵ
ماڵ ئاوایی لەمێوژ و
لە ئێمە کرد.
شێرکۆ بێکەس
سلێمانی ۲۰۰۳/۳/۳
کتێبی زایەڵەی زرێبار | کۆکردنەوەی مەلا ئەحمەد نەزیری
?ببنه ئه‌ندامی “ماڵی کتێبی کوردی”:
