ماڵی کتێبی کوردی
ژیاننامه‌ی مامۆستا ڕەفیق ساڵح بەڕێوەبەری بنکەی ژین
رەفيق ساڵح ئەحمەد ساڵى ۱۹۵۵ لەشاری سلێمانی لە دايک بووە، خوێندنی سەرەتای لە هەولێرو ناوەندى و دواناوەندى لە سلێمانی تەواو كردووە. ساڵى ۱۹۷۷ بەشی بەرێوەبردنی نووسينگەى لە پەيمانگاى تەكنيكی سليمانی تەواو كردوو. ساڵى ۱۹۸۱ بڕوانامەى بەكالۆريوسی لەبواری كارگێری‌دا لە زانكۆى موسڵ‌دا هێناوە. لە پەيمانگا تەكنی‌یه‌كانی موسڵ، بەغدا، نەجەف، سلێمانی بۆ پتر لە ۳۲ ساڵ وەک مامۆستاى كارگێڕى كارى كردووە. ڕۆڵى بەرچاوى هەبووە لە كردنەوەى بەشەكانی: كارگێرى، كتێبخانە، گەشت‌وگوزار، سەرۆکی يەكەم بەشى ڕۆژنامەوانی بووە لە پەيمانگاى تەكنيكيی سلێمانی، وەک يەكەم دەزگاى ئەكاديمی بۆ پێگەياندن وئامادەكردنی كاديرى پسپۆر لەسەر بنەمايەکی ئەكاديمی لە مێژووى ڕاگەياندنی كورديی‌دا. لە دەيان خول‌دا وەک مامۆستا بەشداری كردووە بە مەبەستى بڵاكردنەوەب هوشيارى بەڵگەنامەیی، پەیوەندی گشتى، كارگێڕى. پتر لە ۳۰ وتار و ۳ توێژينەوى لەبواری ئەرشيف وكارگێرى بڵاوكردۆتەوە.
يەكێكە لە دامەزرێنەرانی ئەرشيفى نەتەوەیی كوردستان لەسلێمانی و بنكەى ژين بۆ بووژاندنەوەى كەلەپووری بەڵگەنامەیی و ڕۆژنامەوانی كوردى كە لە كۆتايی ساڵی ۲۰۰۴ەوە لە سلێمانی دەستى بەكارەكانی كردووە و بەڕێوەبەرى ئەو بنكەيە. ئەو بنكەیە هەتا ئێستا پتر لە ١٩١ كتێى لەبوارەكانی بەڵگەنامە، كۆكردنەوەى بەرهەمی نووسەرانی پێشوومان، مێژووى دراوسێكانمان، ڕۆژنامەوانی كوردی، دەستنووس، ئەوەى ئەوڕوپيەكان لەماوەى چەندان سەدەى ڕابوردوودا لەسەر كورديان نووسيوە. سەربارى كۆكردنەوەو کۆپی كردنە سەر CD لێشاوێکی زۆرى كتێب ، ڕۆژنامە و گۆڤار و بڵاوكراوە، دەستنووس، بەڵگەنامە، وێنەى جۆراو جۆر..هتد.
سدیق ساڵح
لەبواری ڕۆژنامەوانی كوردی‌دا ئه‌م ڕۆژنامە و گۆڤارە كورديی‌يانه‌ى لەگەڵ “سەديق ساڵح”ى بەچاپ گەياندووە: تێگەیشتنى ڕاستى ۱۹۱۸، ڕۆژى كوردستان ۱۹۲۲، بانگی كوردستان، بانگی حەق و ئومێدى ئيستيقلال ۱۹۲۳، ژيان ۱۹۲۶، چوار بەرگ، دياری كوردستان ۱۹۲۵، نزار ۱۹۴۸، كوردستان و هاواری نيشتمان ۱۹۴۶، كوهستان ۱۹۴۵، دەنگی گێتيی تازە ۱۹۴۲(خولی يەكەم) چوار بەرگ، دەنگی گێتيی تازە (خولی نيشتمانی) ۳۷ ژمارە، هەتاو ۱۸۸ ژمارە (۱۹۵۴-۱۹۶۰) بە ۱۳ بەرگ، ڕۆژی نوێ ١٩٦٠(٣ بەگ)، بڵێسە ١٩٥٩ (٢ بەرگ)، ڕوناهی ١٩٦٠، برایەتی ١٩٧٣، گەلاوێژ ١٩٣٩ (١٨ بەرگ)، چەندانيی‌تر چاوه‌ڕوانی چاپن. لێشاوێكی زۆرى كتێب و دەستنووس و وێنە و رۆژنامەو گۆڤار و بڵاوكراوەى لە فەوتان ڕزگار كردووە و كۆپی كردوون لەسەر كۆمپيوتەر.
! ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.
