ماڵی کتێبی کوردی
دەهەمین ژمارەی «پژوهشنامە ادبیات كُردی» بڵاوکرایەوە
پێگه‌ی هه‌واڵنێریی «ماڵی کتێبی کوردی»، ژمارەی دەهەمی “پژوهشنامە ادبیات کردی” تایبەت بە پاییز و زستانی ۱۳۹۹/ ۲۰۲۱-۲۰۲ بڵاوکرایەوە. لەم ژمارەیەشدا ۱۲ وتاری کامڵی زانستی بە کوردی و فارسی خراونەتە بەر دیدەی ئۆگران و توێژەران. پوختەی وتارەکانیش بە سێ زمانی کوردی، فارسی و ئینگلیسی دانراون.
دوو-وەرزنامەی “پژوهشنامە ادبیات کردی” یەکەمین و تاقە ژورناڵی ئاکادێمیکی ئێرانە کە بە تەواوی تەرخان‌کراوە بۆ توێژینەوەی ئەدەبی کوردی. ئەم گۆڤارە لە لایەن وەزارەتی خوێندنی باڵای ئێرانەوە دانی‌پێدانراوە و خاوەنی پلەی زانستییە.
خاوەنی ئێمتیازی گۆڤارەکە توێژینگەی کوردستان‌ناسیی زانکۆی کوردستانە لە سنە و ئەندامانی دەستەی نووسەران لە کۆمەڵێ پسپۆڕ و شارەزای ناوەوە و دەرەوە پێک‌هاتوونە. تیمێکی ۲۰ کەسی لە هەڵسەنگێنەران بە وتارەکاندا دەچنەوە و تیشک دەخەنە سەر لایەنە جیاجیاکانی وتارەکان وەک مێتۆدۆلۆژی، توێژینەوەی پێشوو، پرسی سەرەکی، لێکدانەوە، شیکاریی سەرچاوەی یەکەم، ئاماژەکاری و هتد.
توێژین‌نامەی وێژەی کوردی لە لایەن چەندین ناوەندی نوانەسازی و بنکەی زانیاریی ناوخۆیی و نێودەوڵەتییەوە دانی‌پێدانراوە و نوانە کراوە.
پێرستی ناوەرۆک و وتارەکانی ژمارەی دەهەمی «پژوهشنامە ادبیات کُردی»:
پێگەی سەرچەشنی بنەواشەی مێینە لە شیعری شێرکۆ بێکەس‌دا
ساغەر سەلمانینژاد مێهرئابادی، جیهاد ڕەشید شوکری
ڕەنگدانەوەی ڕياليزمی سوسياليستی له وێژه‌ی کورديدا: لێکدانەوەی پێگە و بەرهەمی برايم ئه‌حمه‌د
بەهار کازمی، جەماڵ ئەحمەدی، بەدرییە قەوامی، ڕزا بۆرزوویی
هەڵسەنگاندنی بەراوردکارانەی پەند و ئیدیۆمی عەرەبی و کوردی له مەجمەعولئەمسال-ی مەیدانی و پەندی پێشینیان-ی مەلا غەفوور دەبباغی‌دا
مێهرداد ئاقایی، تاهێر قاسمی
ڕەنگدانەوەی تایبه‌تمه‌ندییه فەرهەنگی و ناوچه‌ییەکان له هه‌ڵبه‌ستی خۆماڵیی گه‌ڕووسدا
یەدوڵڵا محەمەدی
نواندنەوەی بۆشایی لە کورتەچیرۆکی کوردیدا: خوێندنەوەی دەروونشیکارانەی نموونە بەرهەمی شێرزاد حەسەن، عەتا نەهایی و محەمەد ڕەمەزانی
بەختیار سەجادی، توورەج خوسرەوی
کاریگەریی ئایدیۆلۆجی لەسەر بەسووژەبوونی تاکی کورد لە پەیوەندی لەگەڵ زمانی دایکیدا: خوێندنەوەی ڕۆمانی پێشبازیا چیرۆکێن نەقەدیایی
مەزهەر ئیبراهیمی
جۆرە ئەدەبییەکان و کێشەی تیۆری و زاراوەسازییان لە ئەدەبی کوردیدا
موحسێن ئەحمەد عومەر
شی‌کردنەوەی درکە لە شیعری کلاسیکی کوردیدا
جەعفەر قارەمانی
تەنز لە چیرۆکەکانى پێکەنینى گەداى حەسەن قزڵجى‌دا
هاوکار محەمەد ڕەشید
شیکاریی گێڕانه‌وه‌ناسانه‌ی گێڕانەوە جیاوازەکانی ڕووداوێکی کەنیشک‌کوژی
فەرهاد محەمەدی
یارسان لە نێوان دوو بەرداشی ڕەوشتی و ئاکاریدا بە سەرنجدان بە دەقە ئەدەبییەکان
کاوە دەستوورە
بۆچوونێکی نوێ لەسەر سەرەتای شیــعری نوێــی کـــــوردی: دوکتۆر لویس ئۆلسن فاسووم وەک پێشــەنگ
سەلاحەددین ئاشتی
آدرس سایت و سامانه نشریه:
بۆ داگرتنی ته‌واوی بابه‌ته‌که ببنە ئەندامی کاناڵی تلگرامی ماڵی کتێبی کوردی…
هر نوع بازنشر این متن با ذکر منبع «سایت خانه کتاب کردی” مجاز است.
