ماڵی کتێبی کوردی
کتێبی «ئێستە ژنێک بووەتە ئەستێرە» بڵاوکرایەوە
«ئێستە ژنێک بووەتە ئەستێرە» یەکەمین دەفتەری شێعری عەزیز کەرەمیە کە لە بەهاری ۱۴۰۰ی هەتاوی لە چاپ دراوە، «ئێستە ژنێک بووەتە ئەستێرە » باسی ئەوین و ئازار و چەوساندنەوەی کۆمەڵگایە لە دەرهەق ئافرەتاندا و ژن دەباتە ئاستی هەتاو و ئەستێرە و مانگەوە و هاوارئەکات بۆ ماف و مرۆڤایەتی.
لەم نووسەرە سێ بەرهەمی تر بۆ منداڵان بە ناوەکانی؛ پشیلەی فیزن، کەری پەرۆش و سمێڵ فش لە چاپ دراوە و بەرهەمێکی تری شێعری بۆمنداڵان بە ناوی « داردێلەکانێ » و دوهەمین دەفتەری شێعریش بەناوی «خۆڵەمێشێک لەبەڕوو» لە ژێر چاپ دایە کە بەم زووانە دەگاتە دەستی خوێنەران.
ئێستە ژنێک بووەتە ئەستێرە،
لەو سەرانەوە،
لەو دیوی کێوەکانەوە،
لەسەر ملەی ئاویەر
تومەس…
-بووەتە قوربانی و
بە فرمێسک ماڵاوایی دەکات
(ئەستێرەیەک لە خۆزگای ئێوارەی
دەلاقەی داپۆشراوی بێ دەسەڵاتێک).
من و … سەیری ئاسمان
من و … تەنیایی ئەستێرەیەک
من و … داماویی باوێکی ناحەز و بێ کۆتایی
من و … هەناسەی هەزار ژنە ئەستێرە و
ئەستێرەی شەوانی سێدارە و
فەلاقە و
فەوتانی ماف و مرۆڤایەتی!
ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.
