ماڵی کتێبی کوردی
شرفنامەی شرفخان بدلیسی
و طوایف اکراد متابعت و مطاوعت همدیگر نمی‌کنند و اتفاق ندارند چنانچه جناب فضایل مآبی مولانا سعدالدین که معلم پادشاه مرحوم مغفور سلطان مرادخان است در تاریخ ترکی خود که وقایع آل عثمان را نوشته در صفت اکراد می‌گوید هر یک به دعوای انفراد رایت استبداد برافراشته‌اند و در قلال جبال به استقلال مجبول گشته به غیر از کلمه‌ی توحید در هیچ امور اتفاق ندارند.
شەرەفنامە وەرگێڕانی مامۆستا هەژار
کوردەکان ئەگەر ئاکارێکی ناپەسندیان هەبێ، هەر ئەوەندەیە: کەسیان سەر بۆ کەسیان ناچەمینی و بۆ یەکتر نایەنە بەرکەمەند و هەر وەک تاکە-تاکە، هەر کەسە بیر لە سەربەرزی خۆی دەکاتەوە، بە تێکڕایی بیر لە سەربڵندی تێکڕایی ناکەن و پشتی یەکتری ناگرن و نابنە یەک.
دەربارەی ئەم ئاکارە نالەبارەیانەوە مامۆستای زانا مەلاسەعەدەدین کە فێرکاری سوڵتان مرادخانی خوالێخۆشبووە، لە ناو مێژووە تورکیەکەیدا- کە بۆ عوسمانیانی داناوە- لە مەڕ کوردیشەوە دواوە و دەڵێ: «هەموو کوردێک بۆ خۆی سەربەخۆیەکە و ئاڵای ملهوڕی و زۆرداری بەرز کردۆتە و لە ناو ئەو شاخ و کێوانەدا بە سەربەستی دەژی. ئەگەر سەرەنج بدەیە باری یەکدیگیری و هاوبیری و هاوکارییانەوە، تەنیا لە شادەو ئیماندا نەبێ لە هیچ شتی تردا یەکتر ناگرنەوە»
ئەحمەدی خانی لەمەڕ ئەو مەبەستە دەڵێ:
هێندەی کە بەجەرگ و دوورترسن/کەمتر لە بەیەک گەیین دەپرسن
کەس بۆ کەسێ نابێ چاو دەبەر بێ/ هەرکەس دەیەوێ زل و لەسەر بێ
لەم سەر ڕەقیە و دەماری زلیان/ بێگانە دەبێ سواری ملیان
هەر خۆیەتی زل کەوە و ڕەش و بۆر/ هەر بۆیەیە بوونە هێزی خۆخۆر
کوردیش کە ببایە یەک دڵ و دەست/ دەستیان دەکەوت ژیانی سەربەست
پەیدا دەبوو باو و گەورەیی و ژین/ ناومان دەرئەکرد بە بیر و زانین
جیاواز دەبوو گرفتی پاک و ناپاک/ پڕ نرخ و بەڕێز دەبوو شتی چاک
مەم و زینی خانی، وەرگێڕانی هەژار
شەرەفنامە وەرگێڕانی مامۆستا سەلاحەدین ئاشتی
ئەوەی ڕاستی بێ کورد هیچی سەر وەبەر هیچی ناهێنێ و دوورە لە یەک بوون. مەزنە مەلای زانا سەعدەددین ئەفەندی کە زەمانێکی بۆتە مامۆستای خودالێخۆشبوو «سوڵتان مرادخان» لە مێژووە تورکییەکەی خۆی‌دا کە سەبارەتە بە خانەدانی عوسمانی، لە بابەت ئەم ئاکار و کردارەی کوردانەوە دەڵێ: هەر کوردێک بەتاقی‌تەنیا ئاڵای ملهوڕی هەڵدەدا. کوردان بە شێوەیەکی سەربەخۆ لە بەرزایی و لووتکەی شاخ و کێوان‌دا پەروەردە بوون و لە تاقانەپەرستی دا نەبێ یەکتر ناگرنەوە.
