ماڵی کتێبی کوردی
کتێبی «نوخشەو قەڵاو ژیوگای» بڵاوکریاوە
ئەشناساو کتێبی: نامێو بەرهەمی:نوخشەو قەڵاو ژیوگای، بابەت: داستان کۆتا(چیرۆک)، نویسەر: سابیر عەزیزی، ویراستار: ڕەحیم ڕەحمانی، چاپ و پەخش: زایەڵە
سابیر عەزیزی
ئی بەرهەمە؛ پەنجۆمین بەرهەموو نویسەریا.(یەرێ دەفتەرە شێعرێ) دووەمین کتێب داستان دماو (زەماوەندەو وەرمی) ساڵەو ١٣٩٨ی ، تێکەل بە کاروانوو کتێبخانە کوردەواری و هەورامانی بیەن.
ئی کتێبە جە دوێ بەشا هورکەوتەن. بەشوو یەکەمیش، باسێوی تایبەت و سەردەمیانەن سەروو تئوری داستان نویسی و ئەژناسای داستانێ و پرەنسیبەکاو داستان نویسی.
بەشی دووهەمیچ تایبەتا بە دەقە داستانیەکا. چی بەشەنە حەوت داستانێ ¬کۆتا ئامێنێ. ئی داستانێ بە شێوەی سەردەمیانە و بە وەرچەم گێرتەی میتودەکاو داستان کۆتای نویسیاینێ. نویسەر چی داستانانە، زانست و تکنیکی سەردەمیانەش چنی سووژە و بابەتە ئەتنیکی و مەحاڵی هورشێلتێنێ و تاوانش ڕوخسارێوە تایبەت جە داستانەی کۆتای پێشکەش بە ڕەوتوو داستان نویسی مەحاڵوو هەورامانی کەرۆ.
جە دەسپێکوو بەرهەمەکەینە ماچۆ: تێکەڵەنا چەنی ئا سات و کاتا و شێوە و جۆرە هەرمانا کە دلێ داستانەکامەنە پژگیەینێ و ڕەنگ و بۆی تایبەتشا هەن. من جیا نیەنا چا ئازار و گرفتا کە دلێو مەحاڵ و کۆمەڵگاکەیمەنە مەیا وەرەوە و ڕۆ نیا پەو سیماو کۆماو خەڵکیماوە بە حاڵەتێوە تراژدیاوی و شێوازێوە نائاسایی پڵۆسنایرە و پڵۆسیارە دیار نەگنۆ. من چنی گۆڕانکاری و تازە ئامای و کۆنە قەدر گێرتەی هەنا. گەشەم لاوە پەسەندا و باوشیم کەیلاوەو ترۆقینە، بەڵام ئارۆنە ژیوای و ویەردەنە تەلاش کەردەی و تێکەڵی ویری پەی هازدای و بازبازانێ جە ویەردەنە لامەوە یاگێش نیەنە. دادوەری و ئازادی وینگایە تایبەتا، بەحورمەتەوە تەماشە کەردەو دەنگی وەرانوەریت، پلۆرالیزم و فرە دەنگی و فرە ڕەنگی، گرد کەسێ هەقوو وێ ئەرمانایش هەن، هەمڕانا. بەڵام بێ ڕێزی و تن و تێژی و سووکەسەری و بێ خێرەدی، چەنیش نیەنا.
. ئی کتێب داستانە بە شێوێ تابیەت و داستانێ مەحاڵی و بوومیی سەروو بنەماو ئەندیشەو داستان نویسی زوانی هەورامی نویسیان. سەعیە کەریەنە وینگایە تازە و بە دوور جە ڕەوایەتی کلاسیک و سونەتی، دلێ ئەندیشەی داستان نویسی هەورامی مجیۆرە. تم و پەیڕەنگ و موزووع و فەزاو هەیکەلی… بوومی دلێ داستانەکانە حەکایەت جە گرفت و کێشە و کەم و کۆڕیە کۆمەڵایەتی و فەرهەنگی و ڕۆشنویری مەحالێ تایبەتی کەرا. تاوی بە جۆرێ واچی ئینە ئەوەڵین بەرهەمی داستانین کە جە مەحاڵوو کوردەوارینە بە شێوێ گردی بوومی و مەحاڵی نویسیان. وانەری پوختە وپەنەیاوا فرە ڕاحەت پەیش ئاشکرا بۆ کە ئی مەحاڵە کۆگەن؟ چەنی تەنگ و چەڵەمە تایبەتەکاش ئاشنا و نزیک بۆوە.
همێد هەن ئا وینگایە بەرزە پەی هازەو داستان نویسی ئارۆیانەی دیارا،ڕۆشنویری و گەشەو عەقڵیەتوو ڕۆی و ترۆقی پلۆرالیزمی… جە نویستەو ئی داستانانە وەرچەم بیەن، پێکیا بۆ و یاگێ ڕەزامەندی وانەرە ئازیزەکا بۆ.
ئی بابەتە تایبەتا بە یانەو کتێبوو کوردی، بەڵاو کەردەیشەو هێما بە سەرچەمەی ڕاش پەنە دریەنە.
بۆ داگرتنی ته‌واوی بابه‌ته‌که ببنە ئەندامی کاناڵی تلگرامی ماڵی کتێبی کوردی…
