ماڵی کتێبی کوردی
یەکەمین کتاب ئایلانە ڤە دیالکت کوردگەل کلاردەشت ڤەگەرد ڕێ بردن هونەری و شێری ئەر موژگان کاڤووسی ڤلا بی
شێر کتاب “ڤیرکە، ڕەنگ کە” ئەرا ڕزگ تەمەنی ئەلف و ب، ڤە لەکی خاجڤەنی ڤەشرلیایە. ئی کتابە دوکوت‌ڕەنگی ڤە ئەنازە خشتی و نام بیست ڤەلگ ئەرلا ڤەشانخانەی تەڤەکولی ڤلا بییە.
موژگان کاڤووسی ڤە ئی بابەتە ڤە مال کتاب کوردی ڤت: ئەرا ڤتن ئی شێرە بێجگەژ ئەڤە کی ڤیژەیی شێر ئایلانە ئەر پرا فەننی و تەربییەتی ڤەر چەم گرترلیایە، ڤە سەر بڕێ چیگەل کوومانشناسانە نام ڤینەکیشیشە فکر بییە، کی پەئرێز ئەر نیشان داێن نەخش سوننەتی دائا، بەشی ئەر ئەڤەیە.
بابەت دیگەر، نیشان داێن ڤەردام ئسەی ژیان نام ڤینەکیشیی دکۆر مال و دیزاین لەڤاس کاراکترگەلە; ئەرایەکی نییەتێ ڤەدی‌ئار، درس کردن پەیڤەنی ڕەڤانی ڤەردەنگ(ئایل کورد کلاردەشت) ڤەگەرد ڤینەگەل، ئەرا قەبوول کردن “زوان” کتاب، هانە “زوان” هەری شیڤە ژیان، یانی زەمان ئسەیە.
کاڤووسی هەریشە ڤت: هانە کی ڤیشتر کوردگەل کلاردەشت تا ئسە ڤەگەرد ڕێنیس کوردی ئاشنایی نێیرن، سێی بییە تا کتاب، ڤیشتر ڤینەپێڤەر بووی تا مەتن‌پێڤەر; ئەرا هەر یە شێر کتابەکە ڤەگەرد ڤینەگەلی ئەرا ڕەنگ‌کردن چاپ بییە تا بۆوادائاگەل ڤە ئی خاترە کتابەکە ئەرا ئالیگەل بسەنن و ڤەگشتی ئی ڕێنیسە بشناسن.
هەریجوور دەساخور ڤت: ڤەداخا دووخ ئسە ئەرا ڤلا کردن کتاب نمەخونجێ و ناخاسە; ڤەختە ڤەدی‌ئار ئەر پرا مالی زیانە مێینێ، چۆن ئەرا ڕەساندن نامەرووک بەرهەم ڤە ڤەردەنگی کی هووژێ دەرێ گێچەل بنچینەیی مالی ئازموودە مەکەی، مێی قەیمەتێ پشت جێلد – جوورێ هەری کتابە – کەمتر ئەر قەیمەت تەمام‌کرلیا دیاری بکەی تا شاد کەمی ئمێدەڤار بووی کی ڤەردەنگ کتابەکە بسەنێ!
دیارە کی دریژە داشتن ئی دووخە، ڤەداخا نووا ڤلا کردن بەرهەمگەل دیگەر نام دریژڤەختە مەگرێ.
هەر جوورە دوگلەڤلاکردن ئی مەتنە ڤەگەرد نیساێن سەرچەمە ” سایت مال کتاب کوردی” مجازە.
