خانه / پێشنیاری ده‌سته‌ی نووسه‌ران / ناساندنى كتێبى «چێژی گێڕانەوە»

ناساندنى كتێبى «چێژی گێڕانەوە»

ناساندنى كتێبى «چێژی گێڕانەوە»

ناسنامه‌ى كتێب: «چێژی گێڕانەوە»، شاخەوان سدیق، وەشانخانەی نووسیار، سلێمانى۲۰۱۹.

شاخەوان سدیق

هەموو نووسەرێك خاوەن دونیابینیی تایبەت بە خۆیەتی، جا ئەم دونیابینییە بۆ ژیان بێت، یان بۆ نووسین و ئەدەب، هەندێك جار ئێمە ئەم دونیابینییانە لە ڕێگای بەرهەمەكانیانەوە دەبینین و دەخوێنینەوە و پێیان ئاشنا دەبین، هەندێك جاریش بەشی زۆری ئەو تێڕوانینانە لای نووسەر بەپەنهانی دەمێننەوە، جا ئەوە ئیشی ڕەخنەگر و ڕۆژنامەنووسی ئەدەبی شارەزایە؛ كە چۆن لە ڕێگەی نووسینی ڕەخنەیی یان دیمانەوە ئەو نووسەرە دەدوێنێت و دەرگای دڵی بۆ هەڵڕشتن و خستنەڕووی تەواوی دونیابینی و لایەنە شاراوەكانی ژیان و بیركردنەوەی دەكاتەوە.

تا ئەوەی لە نووسین و بەرهەمە ئەدەبییەكانیاندا نەیانتوانیوە بیڵێن و بیخەنە ڕوو، لەوێدا ئازادانە گوزارشتی لێ بكەن. هەر بۆیە هەندێك جار، خوێندنەوەی دیمانەی نووسەر و ئەدیبان، بەتامتر و پڕچێژترە لە بەرهەمە چاپکراوەكانیان (شیعر، چیرۆك و ڕۆمان).

من كە چەند ساڵێكە لە بواری ڕۆژنامەنووسیی ئەدەبیدا كار دەكەم، هەر زوو هەستم بەم نهێنییە كرد و وەك ئەرك و ئارەزوویەكی تایبەتی خۆم، ئەم دیمانانەی بەر دەستتانم لەگەڵ ئەم كۆمەڵە لە نووسەر و ئەدیبانەدا ساز داوە، كە خوێندنەوەی هەر یەكێك لەوانە، تایبەتمەندێتیی خۆی هەیە، لە هەمان كاتیشدا كردنەوەی دەرگایەكن بۆ چوونەژوورەوە لە دونیای تایبەتی ئەو نووسەرانە و ئاشنابوون پێیان.

ئەم دیدارانە بەرهەمی چەند ساڵێکی جیاوازن و لە یەک ماوەی دیاریکراودا ساز نەدراون، بەڵام هەر یەکەیان، هەر ئەو دەمەی کە بەرهەم هاتوون، لە گۆڤار و ڕۆژنامە و سایت و بڵاوكراوە ئەدەبییەكاندا بڵاو كراونەتەوە، ئێستایش لەبەر گرینگیی ناوەڕۆكەكانیان و بە مەبەستی پاراستنیان لە فەوتان، وا دووبارە لە چوارچێوەی ئەم كتێبەدا چاپ و بڵاویان دەكەمەوە. بەو هیوایەی سوودێكیان بۆ خوێنەر و كتێبخانەی كورد هەبێت و لە خوێندنەوەیشیان خوێنەر چێژ ببینێت.

?پێڕستی کتێبەکەش بەمجۆرەیە:

۱. شیعر کەمتر پێوەندیی بە تێگەییشتن لە دونیاوە ھەیە/ مەریوان وریا قانیع

۲. لە ستاییشی ئەدەبدا/ شێرزاد حەسەن

۳. لە ڕێگای شیعرەوە، مانایەک بە ژیانی خۆم دەدەم/ ڕەفیق سابیر

۴. گێرانەوە بەشێكی تەواوكەری گرینگی ژیانە/ بەیان سەلمان

۵. دەنووسم، چونکە شتێکم هەیە بۆ گێڕانەوە/ عەتا محەمەد

۶. بەكوردینووسین بۆ من جۆرێك بوو لە خەبات‌/ جان دۆست

۷. ئەگەر شیعر نەبوایە، ڕەنگە بەرگەی ژیانم نەگرتایە/ نەزەند بەگیخانی

۸. شیعری كوردی زۆر لە ئاستێكی باڵادایە/ لەتیف هەڵمەت

۹. شیعر دنیای خەونە کوژراوەکانمە/ کەژاڵ ئەحمەد

۱۰. بێبەشبوونی من لە منداڵی/ هیوا قادر

۱۱. دەقی زیندوو، ڕەخنەگر/ عەبدولڵا تاهیر بەرزنجی

۱۲. تێڕامانی ئێمە لە سەر كەسایەتیی نووسەرە/ ئەنوەر ڕەشی عەوڵا

۱۳. نووسەر بوونەوەرێكی ئاڵۆز و پەرشوبڵاوە/ ئارام كاكەی فەللاح

۱۴. شیعر نووسین لای من پێوەندیی بە عەشقێكی ناكامەوە هەیە/ محەمەد عومەر عوسمان

۱۵. ئەو ڕانانەی لە ئەدەبیاتی ئێمەدا دەنووسرێن/ دلاوەر قەرەداغی

۱۶. تێكستێك تەواو نییە تا ئەو كاتەی خوێنەرێك نەیخوێنێتەوە/ ماردین ئیبراهیم

۱۷. شیعر نووسین لای من پێوەندیی بە عەشقێكی ناكامەوە هەیە/ محەمەد عومەر عوسمان

۱۸. ئەگەر نهێنیی تێكستی زیندووم بزانیبا ئەحمەدی مەلا

۱۹. وەرگێڕان تەنیا پردی نێوان دووزمان نییە/ كەریم پەڕەنگ

۲۰. چیرۆکی کوردی هێشتا نرخی خۆی پێنەدراوە/ فەڕۆخ نێعمەتپوور

۲۱. نووسین فەزایەکی ناکۆتای بەرفراوانی تایبەتە/ یووسف عزەدین

۲۲. نووسین خەونی بچکۆلەی مرۆڤە/ لازۆ

۲۳. هەر چیرۆكێك ئەگەر لە دوای تەواوبوونی/ فارووق هۆمەر

۲۴. كە دەنووسم بۆنی نێو ڕۆحی خۆم دەكەم/ ئەژین عەبدولخالق

! ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە  ڕێگە پێدراوە.

درباره‌ی ماڵی کتێبی کوردی

همچنین ببینید

کتێبی «ئایین و پرسیارەکانی مۆدێرنیتە» بڵاو دەکرێتەوە

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *