خانه / پێشنیاری ده‌سته‌ی نووسه‌ران / ناساندنی کتێبی «قامووسی زمانی کوردی» بەرهەمی عەبدورەحمانی زەبێحی

ناساندنی کتێبی «قامووسی زمانی کوردی» بەرهەمی عەبدورەحمانی زەبێحی

ناساندنی کتێبی «قامووسی زمانی کوردی» بەرهەمی عەبدورەحمانی زەبێحی

عەبدولڕەحمان زەبیحی

کاتێ لە شاری مەھاباد لای مامۆستا گیوی موکریانی دەرسی زمانی فڕەنسی‌م دەخوێنە سەروکارم دەگەڵ قامووسی فڕەنسی لاڕووس پەیدا کرد و هیوای ئەوەی کە ڕۆژێک زمانی کوردیش قامووسێکی ئاوای هەبێ، هەموو خولیا و خەیاڵاتی پێشووی لە مێشکم ڕاماڵی و کەشتی کەڵکەڵەی زمانەوانیم لە بەندەرگای قامووسا لەنگەری گرت.

ئەگەرچی خەباتی سیاسی نێزیکەی هەموو کات و ساتێکی تەمەنی منی بۆ خۆی داگیر کرد و لە مەڵبەندی ڕۆژهەڵاتی ناوەڕاستا ڕەتاندمی، بەڵام نەیتوانی بیری قامووسێکی کوردی لە مێشکم بسڕێتەوە، بەڵکوو بیری قامووسی کوردی بۆ قازانجی خۆی، لە خەباتی سیاسی لە ئێران و تووران کردنەکەم کەڵکی وەر گرت.

گەشت و گێڵ لە گەلێ ناوچەی کوردستانی ئێران و ئێراقدا، چاوپێکەوتن و هاونشێنێ و گفتوگۆ دەگەڵ کەسانی سەر بە گەلێ تیرە و هۆز و عەشێرەتەکانی کورد، دەسمایە و سەرمایەیێکی زۆر و زەبەندی بۆ ئەو قامووسەی لە خەیاڵدانی خۆمدا بۆ زمانی کوردیم ڕەچاو کردبوو پێکەوەنا.

سەفەری دوو ساڵ و نیویم (سەرەتای ساڵی ۱۹۵۶ نێوەڕاستی ساڵی ۱۹۸۵) بۆ سووریا و تێکەڵی دەگەڵ کوردەکانی ئەوێ فێری‌یەکی لە سێ لەهجە بنجییەکەی زمانی کوردی(لەهجەی کرمانجی) کردم و دەرگایەکی گەورەی بۆ چوونە ناو قەڵای قامووس بۆ کردمەوە.

ئەمەی ئێستا دەیبێنن ئەو لاقە کولەیەیە که له سەفەری دوور و درێژی عومرم‌دا بۆ (سولەیمان)ی نەتەوەی کوردم بە دیاری هێناوە. پێشینیانی کورد گوتویانە:«کاڵا لە قەد باڵایە» و ئەز ناتوانم لەمە ڕەوانتر ببێژم.

ئەگەر ئەم قامووسە لە بن ڕیسمەی دەرگای کەوشکەنی پێشخانەی بارەگای زمانی کوردیدا جێگای ببێتەوە، خۆم بە بەختەوەر دەزانم

ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.

درباره‌ی ماڵی کتێبی کوردی

همچنین ببینید

ژمارە (سفر)ی گۆڤاری ژنەفتن بڵاوکرایەوە

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *