خانه / پێشنیاری ده‌سته‌ی نووسه‌ران / کتێبی «حەقیقەت و پیاوی زانا» وەرگێڕانی سەیدقادر هیدایەتی بڵاوکرایەوە

کتێبی «حەقیقەت و پیاوی زانا» وەرگێڕانی سەیدقادر هیدایەتی بڵاوکرایەوە

کتێبی «حەقیقەت و پیاوی زانا» وەرگێڕانی سەیدقادر هیدایەتی بڵاوکرایەوە

ناسنامەی کتێب: «حەقیقەت و پیاوی زانا»، نووسەر: بەهرام بەیزایی، وەرگێڕ: سەیدقادر هیدایەتی، نیگارکێش: مورتەزا مومەییز، چاپەمەنی خانی ۱۴۰۰.

حەقیقەت و پیاوی زانا، نوێ‌ترین بەرهەمی سەیدقادر هیدایەتییە کە لە فارسییەوە کردوویەتییە کوردی. ئەم کتێبە، نۆڤلێت یان کورتەڕۆمانێکە لە وێنەی شازادە چکۆلی ئێگزۆپێری، ماسییە ڕەشە گچکەی سەمەد بێهرەنگی، و بەرهەمەکانی سێلوێرستاین. یانێ لە ڕێزەی ئەو بەرهەمانەیە کە بۆ لاوان نووسراوە بەڵام تەمەن ناناسێ و گەورە و چکۆلە ئەتوانن ببنە بەردەنگ و خوێنەری و چێژی لێ وەرگرن.

بەهرام بەیزایی زۆرتر وەک نووسەری شانۆ و دەرهێنەری سینەما ناسراوە و ئەو کتێبە تەنیا بەرهەمی داستانی و چیرۆکیی ئەوە.

حەقیقەت و پیاوی زانا، بەسەرهاتی زەینە نەسرەوتوو و ئۆقرە نەگرتووەکانە. کوڕە چکۆلەیەک وشەی حەقیقەتی بۆ ئەبێتە پرس و ڕووحی ئەو بە جۆگەلەی لیخنی مەوجوود ڕازی نابێ و ئەڕوا تا بە دەریای حەقیقەت بگا.

بەسەرهاتی ئەو کوڕە چکۆلە، چیرۆکی هەموو بیرمەندان و سەرگوروشتەی هەموو شەیدایانی فکر و ڕێبواران و عاشقانی ڕێگەی ئازادی و ڕاستەقینەیە.

حەقیقەت و پیاوی زانا، وەبیرهێنەرەوەی زۆر ڕۆمان و کەسایەتی ترە، وەک: گیلگەمێش، دۆن‌کیشۆت، شازادە چکۆل، ماسییە ڕەشەی بێهڕەنگی، بارۆنی سەردارەکانی کالوینۆ، سیدارتهای هێرمان‌هێسێ و دەیان نموونەی تر…

کوڕە چکۆلەی بەیزایی وەکوو هەموو تامەزرۆیانی فکر و فەلسەفە و تینووانی حەقیقەت، گوێ بۆ وەسوەسەکانی ژیانی ڕۆژانە داناتەپێنێ و بەردەوام لە گەڕان و بەدواداچوون و پرس و جۆ و تەجربە و ئەزمووندایە…

چیرۆکەکە وەک شانۆیەک لە چەندین ئیپیزۆد پێک هاتووە و دوای هەر دیمەن و ئیپیزۆدێک کوڕەکە هەست دەکا گەورەتر بووە.

زمانی گێڕانەوە تەنانەت هی دیالۆگەکانیش هەندێ جار زمانێکی کەونینە و گەلێ جار شاعیرانە و بیرمەندانەیە.

بەهرام بەیزایی مامۆستای دیالۆگ‌نووسییە، دیالۆگی قورس و قووڵ و فەلسەفی.

 ئەم چیرۆکە پڕناوەرۆکە خوێنەر هان ئەدا بیر بکاتەوە و لە ژیان و لە دەوروبەری ڕامێنێ و بە بارودۆخی کۆمەڵایەتی سیاسیی ئێستای ڕازی نەبێ.

بانگهێشتە بۆ گەڕان و نەسرەوتن و هاندەرە بۆ پرسیار کردن و قانع‌نەبوون بە وڵامەکان.

دەرسە بۆ ئەو بیر و ڕا و زەینە وشکانەی پێیانوایە تەنیا حەق هەر بەوانە و حەقیقەت هەر لای ئەوانە…

تەواوکەری ئەو چیرۆکە بیردۆزە، نەقاشییە سەرنج‌ڕاکێشەکانی مورتەزا مومەییزە کە بە باوکی گرافیکی ئێران ناسراوە.

هیوادار و تەمایەرین خوێنەری کورد، بە خوێندنەوەی ئەو کتێبە، بە وەرگێڕانی بەڕێز سەیدقادر هیدایەتی، چێژ وەرگرێ و کەڵکی لێ ببینێ…

داگرتنی فایلی پادکەست

 ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە

درباره‌ی ماڵی کتێبی کوردی

همچنین ببینید

هایدیگەر، نیتشە، نازیزم

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *