خانه / اخبار و رویدادها / ریشاڵی تیۆریی رۆمانی كوردی

ریشاڵی تیۆریی رۆمانی كوردی

ریشاڵی تیۆریی رۆمانی كوردی

ئاكار نه‌جم

قسه‌كردن یان لێكۆڵینه‌وه‌ و شیكاری بۆ رۆمان بوارێكی فراوان و گرنگه‌، هه‌م بۆ نووسه‌رانی بواره‌كه‌ و هه‌م بۆ ئه‌وانه‌ش ده‌یانه‌وێت له‌ رۆمان حاڵی ببن و بزانن چۆن ده‌نووسرێ. رۆمان و تیۆری رۆماننووسین له‌ ئه‌ده‌بیاتی كوردیدا زۆر كه‌م ده‌ستی بۆ براوه‌، بۆشایی ره‌خنه‌گر وای كردووه‌ كه‌مترین قسه‌ له‌سه‌ر ئه‌م بواره‌ بكرێ، به‌رده‌وام رۆمانی تازه‌ بڵاوده‌كرێته‌وه‌ و به‌شی زۆری ئه‌م به‌رهه‌مه‌ ئه‌ده‌بییانه‌ به‌بێده‌نگی تێده‌په‌ڕن. لێره‌ و له‌وێ رانان بۆ رۆمان ده‌كرێ، به‌ڵام ئه‌وه‌ ناچێته‌ خانه‌ی لێكۆڵینه‌وه‌ی ره‌خنه‌ییه‌وه‌. كه‌ ئیشی ره‌خنه‌گر و شاره‌زاكانی ئه‌و بواره‌یه‌. 
ئه‌م كتێبه‌ی له‌به‌ردیده‌ی خوێنه‌راندا به‌رهه‌مێكی تیۆرییه‌ له‌سه‌ر رۆمانی كوردی. كتێبه‌كه‌  نووسینی رۆماننووس و شاعیر سه‌لاح جه‌لاله‌ و له‌ دووتوێی ۱۲۸ لاپه‌ڕه‌دایه‌. له‌سه‌ر ئه‌ركی ده‌زگای خێرخوازی شه‌هید عه‌تا چاپكراوه‌. ناوه‌ڕۆكی كتێبه‌كه‌ به‌ كۆمه‌ڵێك بابه‌ت ده‌وڵه‌مه‌ندكراوه‌، به‌ ئامۆژگاری و قسه‌ی نووسه‌رانی ئه‌و بواره‌ نووسه‌ری كتێبه‌كه‌ ده‌چێته‌ نێو ده‌قی رۆمانی كوردییه‌وه‌ و نموونه‌یان له‌سه‌ر دێنێته‌وه‌. له‌ رۆمانی شوانی كوردی عه‌ره‌بی شه‌مۆوه‌ ده‌ستپێده‌كات و پاشان له‌باره‌ی چیرۆكی له‌ خه‌وما و مه‌سه‌له‌ی ویژدان، رۆمانی ژانی گه‌ل و پێشمه‌رگه‌… له‌ رێگای  تیۆرییه‌كانی باختینه‌وه‌ ده‌چێته‌ نێو ده‌قی رۆمانه‌كانه‌وه‌. 
له‌ به‌شێكی دیكه‌ی رۆمانه‌كه‌دا باس له‌ فره‌ ده‌نگی و یه‌ك ده‌نگی له‌ رۆماندا ده‌كات، له‌ به‌شێكی دیكه‌ی كتێبه‌كه‌دا له‌ باره‌ی رۆمان و مێژوو و فه‌زای رۆشنبیریی كوردییه‌وه‌ ده‌دوێت. به‌گشتی ئه‌م كتێبه‌ شه‌رح و شیكاری و بۆچوونی نووسه‌ره‌ له‌سه‌ر چه‌ند رۆمانێكی له‌ ئه‌ده‌بی كوردی. 

درباره‌ی خانه کتاب کُردی

همچنین ببینید

همایش مستوره اردلان ۱۲ ارديبهشت ماه ۱۴۰۳ همزمان با روز سنندج برگزار می‌شود

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *