بڵاوكراوەكانی سەردەم

لە چوارچێوەی بڵاوكراوەكانی دەزگای چاپ و پەخشی سەردەمدا لە ماوەی رابردوودا، چەند كتێبێكیان بە چاپ گەیاندووە، كە لێرەدا دەیانخەینەڕوو.
گەشتی پاڵەوان
ئەم كتێبە نوێترین كتێبی جۆزیف كامبڵ-ە كـــــە (ســــەڵاح حەسەن) وەریگێڕاوەتە سەر زمــــانی كوردی، كتێبەكە بە تەنها باس لە بەسەرهاتی نووسەر ناکات، بەڵكو ئەفسانەمان لا شیرین دەكات، دڵمان لە دنیای كۆن و مۆدێرن قورتــــار دەكات، نایەڵێ بێزاری و ئالــــودەبوونی شتە خراپەكان لەگەڵ خۆیــــماندا بپێچێتەوە، كتێبی گەشتی پاڵەوان تەنیا گەشتی درێژخایەنی كامبڵ نییە بە نێو دەریاكانی ئەفسانە دێرینەكاندا، بەڵكو لێكۆڵینەوە و دایەلۆگێكە لەمەڕ ئێمەی مرۆڤ و دنیای بنیراو و نەبینراودا، كتێبەكە لە ۵۱۶ لاپەڕە پێكهاتووە.
كەلێنی نێوان نەوەكان
ئەم كتێبە نوێترین كتێبی شەماڵ لەتیف-ە لەبارەی كۆمەڵناسیی  و كۆمەڵناسیی نەوەكان، كتێبەكە لقێكی نوێی ناو بواری كۆمەڵناسیی گشتییە، لە دەیەی شەستەكانی سەدەی بیستەمەوە بۆ توێژینەوە لە هەلومەرجی ژیان و تێگەیشتن لە رەهەندە جیاجیاكانی ژیانی نەوەكان و بە تایبەت گەنجان هاتە كایەوە، كە لێكۆڵینەوە دەربارەی نەوەكانی لە زەمەن و دۆخی جیاوازدا كردە تەوەری كاری خۆی.