ماڵی کتێبی کوردی
مەراسمی پەردەلادان لە کتێبی پ پێسەو پەنابەری لە مەڕیوان بەڕێوە چوو
ڕۆژی چوارشەممە، ڕێکەوتی ۸ی سەرماوەز لە شاری مەریوان ئەنجومەنی فەرهەنگی_ئەدەبیی ڕۆجیار، کۆڕێکی پەردەلادان و ڕەخنە و هەڵسەنگاندنی بۆ کتێبی (“پ” پێسەو پەنابەری)، تازەترین کتێبە شێعری فەرشید ڕۆستەمی بەڕێوە برد.
ئەم کۆبوونەوە بە بەشداری زۆرێک لە لایەنگرانی فەرهەنگ و ئەدەبیاتی هەورامان ساز کرا. دوای خوێندنەوەی پەیامی ئەنجومەنی ڕۆجیار، پەنێلێک بە بەشداریی کورش ئەمینی و مەهدی ئەبری بۆ ماوەی پەنجا دەقە بەڕێوە چوو و ئەم دوو کەسە هەوڵیان دا خوێندنەوەی خۆیان بکەن بۆ کتێبەکە.
هەروەها سوهەیب عەلی، ژوان ڕەحیمی و مەهوەش درۆستکار، شێعریان خوێندەوە لە کۆڕەکە و لە کۆتاییدا، لەگەڵ پەردەلادان لە کتێبەکە، فەیسەڵ ژیواری بە پێشکەش کردنی چەن کۆپلە گۆرانیی ڕەسەنی هەورامان، کۆڕەکەی ڕەنگین کرد.
هر نوع بازنشر این متن با ذکر منبع «خانه کتاب کُردی» مجاز است.
