ماڵی کتێبی کوردی
ڕۆمانی «چوار وەرز و ساڵێک» بەرهەمی خالق تەوەکولی بڵاوکرایەوە
ناسنامەی کتێب: «چوار وەرز و ساڵێک»، نووسەر: خالق تەوەکولی، گەڵاڵەی بەرگ:ئیسماعیل ڕەزایی، چاپەمەنی ڕێگا ـ ۱۴۰۳.
ڕۆمانی چوار وەرز و ساڵێک بەسەرهاتی کچەکوردێکە کە بەهۆی زۆری زۆردارانەوە چارەنووسی دەکەوێتە لێڵایی و هەڵەتێکی وەهاوە کە ناچار دەبێ دوای بکەوێت و بۆ بینینەوەی سارۆی خۆشەویستی پێ بخاتە ڕێگایەکی دژوار و پڕ لە ئازار. کەژێ بێ ئەوەی بیهەوێت تێکەڵ بە شۆڕشەکەی ئەمیر خانی لەپزێڕین دەبێ و سات لەگەڵ ساتی ئەو شۆڕشە دەگێڕێتەوە.
لەناو ڕۆمانەکەدا هەوڵ دراوە تا شێوەی ژیان و کلتووری ئەو سەردەمە ڕوون بکرێتەوە، هۆکارەکانی شکستهێنانی شۆڕشەکە بخرێنە بەر چاو، لاپەڕەیەکی نوێ لەسەر ئەمیر خان و قەڵای دمدم هەڵبدرێتەوە و خوێنەر لەگەڵ ئەو نەریتانە ئاشنا بێت کە تا ئەم دواییانە و تەنانەت لە زۆر ناوچە، ئێستاشی لەگەڵدا بێ، باڵیان بەسەر ژیانیی بنەماڵەیی گەلی کورددا کێشاوە.
لەم ڕۆمانەدا ئاوڕێک لە ئازایەتیی کچ و ژنی کورد دراوەتەوە کە ئەم بابەتە هەمووکات بۆ هەموو گەلانی جیهان سەلمێندراوە.
ڕۆمانی چوار وەرز و ساڵێک گێڕانەوەیەکی مێژووییە کە بە باس و بەسەرهاتێکی دڵدارییەوە دەست پێ دەکات و بە کوژانەوەی کاتیی شۆڕشێک کۆتایی دێ.
هر نوع بازنشر این متن با ذکر منبع «خانه کتاب کُردی» مجاز است.
