ماڵی کتێبی کوردی
ژمارەی نوێی “پژوهشنامە ادبیات کردی” چاپ و بڵاوکرایەوە.
پێگه‌ی هه‌واڵنێریی «ماڵی کتێبی کوردی» ژمارەی هەشتەمی “پژوهشنامە ادبیات کردی” تایبەت بە پاییز و زستانی ۹۸/ ۲۰۲۰-۲۰۱۹ چاپ و بڵاوکرایەوە. لەم ژمارەیەدا بێجگە لە سەروتار بە هەر دوو زمانی کوردی وفارسی، ۱۲ وتاری کامڵی زانستی دانراوە. پوختەی وتارەکان بە سێ زمانی کوردی، فارسی و ئینگلیسیش دانراون.
دوو-وەرزنامەی “پژوهشنامە ادبیات کردی” تاقە ژورناڵی زانکۆیی و ئاکادێمیکی سەرتاسەری ئێرانە کە بە کوردی و سەبارەت بە زمان و ئەدەبی کوردی، ئەدەبی بەراوردکارانە و ڕەخنە و تیۆریی ئەدەبی بڵاو دەکرێتەوە.
خاوەنی ئێمتیازی گۆڤارەکە توێژینگەی کوردستان‌ناسیی زانکۆی کوردستانە لە سنە و ئەندامانی دەستەی نووسەران لە کۆمەڵێ پسپۆڕ و شارەزای ناوەوە و دەرەوە پێک‌هاتوونە. تیمێکی ۲۰ کەسی لە هەڵسەنگێنەران بە وتارەکاندا دەچنەوە و تیشک دەخەنە سەر لایەنە جیاجیاکانی وتارەکان وەک مێتۆدۆلۆژی، توێژینەوەی پێشوو، پرسی سەرەکی، لێکدانەوە، شیکاریی سەرچاوەی یەکەم، ئاماژەکاری و هتد.
ئەم ژورناڵە لە لایەن چەندین ناوەندی نوانەسازی و بنکەی زانیارییەوە دانی‌پێدانراوە و نوانە کراوە. ئێستاش لە وەزارەتی خوێندنی باڵا لەژێر هەڵسەنگاندن و چاودێریدایە.
پێڕستی ناوەڕۆک و وتارەکانی ژمارەی هەشتەمی “پژوهشنامە ادبیات کردی”
۱. سرمقاله / بختیار سجادی
۲. سەروتار / بەختیار سەجادی
۳. تحلیل کهن‌الگوی سفر قهرمان در منظومه‌ی خورشید و خرامان الماس‌خان کندوله‌ای/ محمد کریمی؛ خلیل بیگزاده
۴. بررسی ساختاری داستان موسی و سنگتراش در دیوان میرزا احمد داواشی/ شرافت کریمی؛ جمیل جعفری
۵. ریخت‌شناسی مَم و زین اثر احمد خانی بر اساس نظریه‌ی پراپ/ جمال احمدی؛ آرزو برومندی
۶. بررسی تطبیقی مؤلفه‌های رمانتیک در اشعار خلیل مطران و بیسارانی/ محسن پیشوایی علوی؛ پروین یوسفی؛ گلبهار نادری
۷. تصریف فعل و مقوله‌های آن در کردی کلهری بر اساس صرف زایشی باوِر/ مسعود دهقان؛ ابراهیم بدخشان
۸. نقدی بر تقسیم‌بندی شاخه‌های زبان کردی بر مبنای حوزه‌ی جغرافیایی/ هیوا ویسی
۹. نمادشناسی نقوش حیوانی در گلیم کردستان/ سارا صادقی؛ رضا رضالو؛ فرزاد فیضی
۱۰. ڕۆمانى هاوچه‌رخى کوردى: توێژینه‌وه‌یه‌کى ڕه‌خنه‌یی پراکتیکی بۆ پێنج ڕۆمان/ محسن احمد عمر
۱۱. شێوازی شیعری چنار نامیق لە ڕوانگەی شێوازناسیی ئەرکییەوە/ ئەڤین ئاسۆس حەمە؛ سافیە محمد احمد احمد
۱۲. لێکدانەوەی ئاستی زمانیی شیعری وەفایی/ جعفر قهرمانی
۱۳. گۆران و هێمن لە ڕۆژنامەى کوردستان چاپى تاراندا/ سامان عزالدین
۱۴. لایەنی لەیەکچوون و جیاوازی لە نێوان کوردیی ناوەندی و فارسیدا: لە ڕووی تایبەتمەندیی مێژوویی، فەرهەنگی و زمان‌ناسانەوە/ رفیق شوانی
۱۵. چکیده‌های انگلیسی
?ناونیشانی ماڵپەڕ: (بۆ داگرتنی فایلی ناوەڕۆک و وتارەکانی گۆڤار)
ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.
