خانە کتاب كُردی
پیری کتێبی شاری سنە کۆچی دوایی کرد
بە داخ و پەژارەیەکی زۆرەوە، بەڕێز موحەممەد ڕەحیم غەریقی، پیری کتێبی شاری سنە، دوای تەمەنێک تەژی لە خزمەتی کتێب و خوێندنەوە بۆ هەمیشە بەجێی هێشتین و دڵی هەموومانی هەژاند.
بەم بۆنە خەمناکەوە پرسە و سەرەخۆشی خۆمان ئاراستەی بنەماڵە و کەسوکار و چالاکوانانی فەرهەنگی و سەرجەم هۆگرانی کتێب دەکەین.
جێی ئاماژەیە خواڵێخۆشبوو موحەممەد ڕەحیم غەریقی، بەڕێوەبەر و خاوەنی کتێبفرۆشی و دەزگای چاپ و بڵاوکردنەوەی غەریقی بوو کە هەڵگری سەدەیەک مێژووی کتێبفروشین لە شاری سنەدا.
بەڕێز غەریقی لە دەیەی ٤۰ی هەتاویەوە پێ لە شوین پێی باوکی کە دامەزرێنەری یەکەم کتێبفروشیی شاری سنە بووە، داەنێت و بۆ زیاتر لە هەشتاد ساڵ دەبێتە چالاکوانێکی ماندوویی‌‌نەناسی بواری چاپ و بڵاوکردنەوەی کتێب لە شاری سنەدا.
یادی بەرز و ڕۆحی شاد
