ماڵی کتێبی کوردی
کتێبوو ” وطنی برای زخم و تنی برای عشق ” ی، ئانتۆلۆژیێ جە شێعرێ نەوێ هەورامیێ بە فارسی چاپ کریا.
ئی کتێبە وەڵاوگەو ئەفروودینە جە شاروو تارانی، ۹۹ لاپەلێنە وەڵا بیوەو پەخشانگاو کتێبوو مادی جە شاروو سنەینە، وەڵا کەردیوەو ئی کتێبیشە گێرتەن ئەستۆ.
چی کتێبنە هەوڵ دریان سەرەتاکاو شێعرێ نەوێ هەورامیێ ئەوەوانای کریۆ و باس چانەی کەرۆ کە ئی ڕەوتە کەی و چەنی دەسش پەنە کەردەن و چە چیوانێ کاریگەریشا بیەن دلێ شکڵ گێرتەی و پەنەیاوای ئی ڕەوتینە.
فەرشید ڕۆستەمی شاعێر و نویسەروو هەرزەکاروو هەورامانی، جە نزیک بە نیم قەڕنی جە عەمروو شێعرێ نەوێ هەورامیێ ، پانزە شاعێرێش هورچنیێنێ و جە هەرکامی بڕێ شێعرێش هورگێڵنێنێوە سەروو زوانوو فارسی.
بەشێو چی شاعێرا : عوسمان محەمەد هەورامی، جەلیل عەباسی، ڕەئووف مەحموود پوور، کولسووم عوسمانپوور، مدریک کەریمی، سوهەیب فاروق، سابیر عەزیزی، مەهدی ئەبری، ژوان ڕەحیمی، مەهوەش دروستکار، ئەحسەن ڕەشیدی و….
فەرشید ڕۆستەمی
ڕۆستەمی ساڵوو ۱۳۷٦ی شاروو هەورامانینە پێد٘ا بیەن و وەڵتەر ساڵوو ۹۵ی، ئەرماننامەو سامۆئێل بێکێتیش هورگێڵنانۆ سەروو زوانی هەورامی و ساڵوو ۹۷ی یەکەمین کۆمەڵە شێعرش بە نامێو ” شپرز یانی من، دنیا ئەفغانستانی ” بە هەورامی چاپ کەردەن.
بۆ داگرتنی ته‌واوی بابه‌ته‌که ببنە ئەندامی کاناڵی تلگرامی ماڵی کتێبی کوردی…
