خانه / پێشنیاری ده‌سته‌ی نووسه‌ران / “دووان لە یەکدا، شیعرێکی عاشقانە و شیعرێکی سیاسی لە ئامێزێکی تووڕە و پڕ لە بڵێسە”

“دووان لە یەکدا، شیعرێکی عاشقانە و شیعرێکی سیاسی لە ئامێزێکی تووڕە و پڕ لە بڵێسە”

“دووان لە یەکدا، شیعرێکی عاشقانە و شیعرێکی سیاسی لە ئامێزێکی تووڕە و پڕ لە بڵێسە”

پاشکۆی کولتووری ڕۆژنامەی پولیتیکێنی دانماڕک ڕۆژی سێ‌شەممە-بیستی ئاپریلی ٢٠٢١ی زایینی بەشی شیعری خۆی تەرخان کردبوو بۆ ناساندنی کتێبە شیعری “بارکۆد” بەرهەمی ئەرسەلان چەڵەبی شاعیر، چیڕۆکنووس و وەرگێڕی کورد.

ڕۆژنامەی پۆلیتیکێن یەک لە ڕۆژنامە کۆنەکانی ئورووپا ، هەروەها یەک لە گرینگترین و پڕ تیراژترین ڕۆژنامەی سیاسی و کۆمەڵایەتی باکووری ئورووپا و وڵاتی دانماڕکە کە لە ساڵی ١٨٨٤ی زایینی دامەزراوە. ئەو ڕۆژنامەیە هەموو سێ‌شەممەیەک پاشکۆیەکی کولتووری لەگەڵ خۆی بڵاو دەکاتەوە و تێیدا ڕووداوە هونەرییەکانی ڕۆژی جیهان تاووتوێ دەکات.

تۆماس بێردسدرووف

بەرپرسی بەشی شیعری ئەو ڕۆژنامەیە “تۆماس بێردسدرووف” نووسەر و شاعیری ناسراوی دانماڕکی شیعرێکی کتێبی “بارکۆد” بە ناوی “چ تاڵی ئەی خەجی من” بڵاو کردووەتەوە و هاوکات کورتە نووسراوەیەکیشی لە سەر کتێب و نووسەرەکە هاوپێچ کردبوو. ناوبراو بەو دێڕە شیعرەکەی بۆ خوێنەرانی دانماڕکی زمان پێناسە کردبوو:

THOMAS BREDSDORFF:
“To-i-én. Et politisk digt og et kærlighedsdigt i rasende, glohed omfavnelse.

“دووان لە یەکدا، شیعرێکی عاشقانە و شیعرێکی سیاسی لە ئامێزێکی تووڕە و پڕ لە بڵێسە”

کتێبی باڕکۆد لە ساڵی ٢٠٢٠ بە فارسی لە لایەن وەشانی پەپوو لە دانماڕک و هەروەها وێرژەنی کوردییەکەی لە لایەن وەشانی نووسیار لە کوردستان و دانماڕک بڵاو بوویەوە.

شیعری “چ تاڵی ئەی خەجی من” سەرەتا بە کوردی لە ساڵی ٢٠١٦ نووسراوە و دواتر لە کتێبی باڕکۆد دا بڵاو بۆتەوە.

وێرژەنی دانماڕکی باڕکۆ بە دانماڕکی ئامادەی چاپە و هەموو کارێکی تەواو بووە و لە ڕۆژنامەکەشدا وەکوو شیعرێک لە کۆمەڵە شیعرێکی چاپ‌نەکراو دا ناوی هاتووە. ئەو کتێبە لە لایەن ئازاد کەماڵی فەر و سەعدیە مەنگال لە کوردی و فارسییەوە کراوە بە دانماڕکی و نووسەر و موزیسیەنی دانماڕکی یاسپا لوفتهاوز پێداچوونەوەی بۆ کردووە. هەروەها هونەرمەند مەرزیە نیک کاری دیزاین و فۆتۆگڕافی بۆ کتێبی باڕکۆد کردووە.

Arsalan Chalabi

ئەرسەلان چەڵەبی، لە دایکبووی ساڵی ١٩٨٦ی زایینی لە شاری بۆکان، ئەندامی ناوەندی قەڵەمی دانماڕک، ئەندامی دەستەی بەڕێوەبەری ئەنیستیتووتی کوردی کۆپنهاگ و نیشتەجێی وڵاتی دانماڕک. هەتا ئێستا حەوت کۆمەڵە شیعر و دوو ڕۆمانی بە کوردی و فارسی بڵاو بۆتەوە، شیعرەکانی ناوبراو بۆ سەر زمانەکانی ئینگلیزی، فەڕەنسی، دانماڕکی و فارسی وەرگێڕدراون و لە کتێب و ئانتۆلۆژی و ڕۆژنامە و بلاڤۆکەکانی وڵاتانی ئورووپایی چاپ و بڵاو بوونەوە. لە ئێستاش دا چەند کتێبی بە فەڕەنسی و دانماڕکی و ئینگلیزی ئامادەی چاپ و بڵاوبوونەوەیە.

 بۆ داگرتنی ته‌واوی بابه‌ته‌که ببنە ئەندامی کاناڵی تلگرامی ماڵی کتێبی کوردی…

 https://t.me/kurdishbookhouse

ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.

درباره‌ی ماڵی کتێبی کوردی

همچنین ببینید

کتێبی «ژن؛ پرسێکی هاوبەش و ڕوانگەی جیاواز» چاپ و بڵاو کرایەوە

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *