ژمارەی ۵ی گۆڤاری «بار» بڵاوکرایەوە

ژمارەی ۵ی گۆڤاری «بار» بڵاوکرایەوە

گۆڤاری بار یەکەمین گۆڤاری تایبەت بە هەڵبەستە کە لە باکوور, باشوور و رۆژهەڵاتی کوردستان بڵاو دەبێتەوە.

ناوەرۆکی ئەم گۆڤارە لە هەڵبەست, ڕەخنەی هەڵبەست و وەرگێڕانی هەڵبەست پێک هاتووە.

گۆڤاری بار لە لایەن وەشانخانەی سیتاڤ لە شاری «وان» بڵاو دەبێتەوە. بابەتەکانی ئەم گۆڤارە بە زاراوەکانی کورمانجی, سۆرانی و زازاکی و بە ئەلفوبێی لاتینی بڵاو دەبنەوە.

بەرپرسانی ئەم گۆڤارە ئامادەیی خۆیان بۆ چاپ و بڵاوکردنەوەی بابەت بە دیکەی زاراوەکانی کوردی ڕاگەیاندووە.

مەبەستی ئەم گۆڤارە بڵاو کردنەوە و ناساندنی شیعری شاعیرانی هەموو بەشەکانی کوردستان و هەروەها باس و وتووێژ لە گەڵ شاعیرە بەناوبانگە کوردەکانە.

جێگای ئاماژەیە ئەم گۆڤارە لەهەموو بەشەکانی کوردستان دەست دەکەوێ.

ئەندامانی ئەم گۆڤارە بریتین لە:

۱- یەحیا عومەری, هەڵبەستڤان, کارناسی باڵای زمان و وێژەی کوردی لە زانکۆی وان, خاوەنی خەڵاتی پێشبڕکێی هەڵبەستی ئارژەن ئاری ۲۰۱۵

۲- رێبین محەمەد, وەرگێڕ, کارناسی باڵای زمان و وێژەی کوردی زانکۆی “یووزوونجوو یل”

۳- مرادێ مرادان, هەڵبەستڤان, کارناسی کۆمەڵناسی, خاوەنی خەڵاتی پێشبڕکێی هەڵبەستی ئارژەن ئاری ۲۰۱۹

۴- ئیبراهیم شادمان مێسرکانلوو, وەرگێڕ و ڕۆژنامەوان, کارناسی باڵای زمانناسی

۵- ئەمەریکێ سدیقایێ, هەڵبەستڤان, کارناسی باڵای زمان و وێژەی کوردی زانکۆی وان, خاوەنی خەڵاتی پێشبڕکێی هەڵبەستی ئارژەن ئاری۲۰۱۸

۶- سومەیا ئیشک‌ئوغڵوو, کارناسی ئیلاهیات

۷-وڵات ڕامین‌ئازاد,نووسەر و ڕەخنەگری وێژەیی, کارناسی مرۆڤ‌ناسی

 ئیمەیلی پەیوەندی لە گەڵ بەڕێوبەرانی گۆڤاری «بار»: kovarabar@gmail.com

ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە