خانه / اخبار و رویدادها / ئیفۆگرفی بەرهەمەکانی مامۆستا هەژار ‌

ئیفۆگرفی بەرهەمەکانی مامۆستا هەژار ‌

ئیفۆگرفی بەرهەمەکانی مامۆستا هەژار ‌

عەبدوڕڕەحمانی شەرفکەندی ناسراو به هه‌ژار و کوڕی حاجی مەلا محەممەد بووە که لە ساڵی ١٢٩٩ دا لە مەھاباد لە دایک بووە لەوێ خوێندوویەتی. لە ساڵانی سەرەتایی ژیاندا لە لای باوکیدا و دواتر لە مەکتەبخانەکاندا و لە بە‌ر دەست چەند کەس لە مامۆستا ئایینیەکان، دەرسی گولستان و بووستانی سەعدی خوێندوە. بەڵام بە پێی ئەو شتەی کە لە چێشتی مجێوردا باسی دەکات، دەستکەوتێکی زۆر کەمی بووە. باوکی ھەژار کەسایەتیێکی خوێندەوار بووە و زانیویەتی بە کوردی بخوێنێت و بنووسێت، ھەر ئەمەش ھانی داوە کە کوڕەکەی خۆی (ھەژار) ھەر لە تەمەنی پێنج ساڵانەوە ئاشنا بە خوێندنەوە و نووسین بکات و دواتریش بینێرێتە مەکتەب و حوجرە. لە ساڵی ١٣١٩ دەستی بە شیعر وتن کردووە و شیعرەکانی ئەحمەدی خانی، وەفایی و مەلای جزیری کاریگەری لە سەر ھەستی بووە.

لە ڕێکەوتی ٢ ی ڕەشەمەی ١٣٦٩ لە شاری کەرەج ماڵ ئاوایی لە ژیان ئەکات و دوای مردنی تەرمەکەی بەرەو موکریان ھێندراوە و له گۆڕستانی باغی فێرده‌وسی شاری مەهاباد نێژرا.

‌‌هەژار لە ژیان دا ئاوارەیی زۆر چێشتووە سەردانی شارەکانی ئێران و عێراق و سووریه و لوبنانی بە ئاوارەیی کردووە. پاش سەرکەوتنی شۆڕشی ئیسلامی ئێران ئەگەڕێتەوە ئێران و لە شاری کەرەج نیشتەجێ ئەبێت.

هەژار لە ماوەی ژیانیدا بەرهەم گەلێکی زۆری نووسی کە بریتین لە: چێشتی مجێور :یادداشتەکانی خۆیەتی.، ئاڵەکۆک، بەیتی سەرەمەڕ، مەم و زین : ھەر بە ھۆنراوە لە کورمانجییە وەریگێڕاوەتەوە بۆ سۆرانی.، بۆکوردستان ، دیوانی ھەژار ١٩٦٥، شەرەفنامە: وه‌ڕگێڕانی شه‌ره‌فنامه‌ے شەرەفخانی بەدلیسی لە فارسییەوە بۆ کوردی.، وه‌رگێڕانی چوارێنەکانی خەیام، مێژووی ئەردەڵان، یەک لە پەنای خاڵ و سیفری بێ بڕانەوە :نووسینی عەلی شەریعەتی، لە فارسییەوە بۆ کوردی.، دایە، باوە، کێ خراوە؟ :نووسینی عەلی شەریعەتی، لە فارسییەوە بۆ کوردی، شەرحی دیوانی مەلای جزیری، بیرەوەریەکانی ژیان، قورئانی پیرۆز بە کوردی، ھۆزی لە بیرکراوی گاوان : نووسینی دوکتۆر مستەفا جەواد لە عەرەبییەوە کردوویەتیە کوردی، فەرەنگی ھەنبانە بۆرینە :کوردی بە کوردی و فارسی له تاران ساڵی ١٣٧٠. ، دیوانی شێخ ئەحمەدی جه‌زیری : دەق و مانا لێکدانەوە.

بەرهەمە فارسییەکانی هەژار ئەمانەن :

تاریخ سلیمانیه (مێژووی سلێمانی.
روابط فرهنگی ایران و مصر (پەیوەندیە کولتورییەکانی نێوان ئێران و میسر)
قانون در طب (نووسراوەی ئیبن سینا لە عەرەبییەوە بۆ فارسی)
آثارالبلاد و اخبارالعباد زکریا قزوینی لە عەرەبییەوە بۆ فارسی.
کوردانی ناوخۆ و دەرەوەی وڵات

.هر نوع بازنشر این متن با ذکر منبع «سایت خانه کتاب کردی” مجاز است.

درباره‌ی خانه کتاب کُردی

همچنین ببینید

ژماره‌ی (۲۸ی) کەشکۆڵ بڵاو دەبێتەوە

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *