ماڵی کتێبی کوردی
بەرهەمە بڵاوبووەکانی ئەرسەلان چەڵەبی لە گۆڤار و ماڵپەڕە ئەدەبییەکانی ئورووپا
ئەرسەلان چەڵەبی لەدایکبووی ۱۹۸۷ی زایینی لە شاری بۆکانی رۆژهەڵاتی کوردستان و دانیشتووی وڵاتی دانمارکە، پێشتر لە کوردستان دوو کۆمەڵە شیعری بڵاو کردووەتەوە. ناوبراو ئەندامی ناوەندی قەڵەمی دانمارکە “Danish Pen” و تاکوو ئێستا شیعرەکانی بۆ سەر زمانەکانی ئینگلیزی و فەڕەنسی و دانمارکی و فارسی وەرگێڕدراون و چاپ و بڵاو بوونەوە.
لە درێژەدا ئاوڕ لە کۆمەڵێک بەرهەمی ئەو شاعیرە دەدەینەوە، کە لە کتێب و گۆڤار و ماڵپەڕی سەر بە بڵاڤۆک و ناوەندە ئەدەبییەکانی ئورووپادا چاپ و بڵاوکراونەتەوە.
? کتێبی “ئانتۆلۆژی شیعری فەرانسە”:
ساڵی ۲۰۱۷، دوو شیعر بە ناوەکانی “ئازادی” و “سۆسیالیزم” لە کتێبی “ئانتۆلۆژی شیعری فەرانسە” لە ناوەندی “Flammes Vives” لە فەڕانسە چاپ و بڵاو بۆوە. ئەو ناوەندە جگە لە چاپی کتێبی شیعر و رۆمان و چیڕۆک ساڵێک دوو کتێبی ئانتۆلۆژی شیعری، واتە شەش مانگی یەکەم و دووهەم دەداتە دەرەوە، کە شیعرەکانی ئەرسەلان چەلەبی لە ژومارەی یەکەمی ساڵی ۲۰۱۷ و بەرگی یەکەمدا چاپ و بڵاو بوونەتەوە. ئەو ناوەندە لە ماڵپەڕی فەرمی خۆیدا نووسیویە:
“زیاتر لە شەست ساڵە بەردەوام لە هەر ژمارەیەكدا بەرهەمی تاقمێك شاعیرانی ( ناسراو و كەمتر ناسراو) بڵاو دەكاتەوە كە هەم لە باری فۆڕمەوە و هەمیش ناوەرۆكەوە جیاوازن.”
شیعرەکان ئاکۆ عەبباسی وەریگێڕابوونە سەر فەڕەنسی.
?ماڵپەری فەرمی ئەو ناوەندە:
http://www.flammesvives.com
? گۆڤاری “A new ulster” ئیرلەندی:
گۆڤاری “A new ulster” لە ژومارە ۶۴، مانگی ژانویەی ۲۰۱۸ لە وڵاتی ئیرلەند سێ شیعر بە ناوەکانی: نەتەوە گاندەرەکانی جیهان، سێلفی لەگەڵ مەکدۆناڵد و من لە خۆپیشاندانی توالێتە گشتییەکاندا گەورە بووم، بە ئینگلیزی چاپ و بڵاو کردەوە، شیعرەکان سامان شەریفی لە کوردییەوە وەریگێراوەتە سەر زمانی ئینگلیزی.
ئەو ناوەندە ساڵی ۲۰۱۲ لە ئیرلەند دامەزراوە.
?ماڵپەڕی فەرمی ئەو ناوەندە:
https://anuanewulster.wixsite.com/anewulster
? گۆڤاری ئیلکترۆنیکی “The pangolin reviwe”:
ژانویەی ساڵی ۲۰۱۹ گۆڤاری ئیلکترۆنیکی “The pangolin reviwe” شیعرێکی شاعیری بە ناوی “شیعرێکی عاشقانە” بە ئینگلیزی چاپ و بڵاو کردەوە. ئەو شیعرە خالید چەلەبی لە کوردییەوە وەریگێڕاوە بۆ ئینگلیزی.
?ماڵپەڕی فەرمی ئەو ماڵپەڕە:
https://thepangolinreview.wixsite.com
? گۆڤاری “Recours au poème ” ی فەڕانسە:
بڵاوبوونەوەی شیعری “بۆ شۆڕشێکی لەبارچووی کوردستانی” لەگەڵ بیوگرافییەک لە ژیان و چالاکیی ئەو شاعیرە لە گۆڤاری “Recours au poème ” ی فەڕانسە ژومارەی ۱۹۵ی مانگی مەی ۲۰۱۹٫
ئەوە شیعرە #ئاکۆ_عەبباسی لە کوردییەوە وەریگ فەڕەنسی و هەتا ئێستا کوردییەکەی بڵاو نەبووەتەوە.
گۆڤاری “Recours au poème ” بە شێوەی ئەلێکتڕۆنیک بڵاو دەبێتەوە و ناوی ئەو گۆڤارە واتە “Recours au poème ” لە کوردیدا دەبێتە “بەرەو پیری شیعر”.
?ماڵپەڕی فەرمی ئەو ناوەندە:
https://www.recoursaupoeme.fr
? گۆڤاری ئەدەبی “A new ulster” ئیرلەندی:
گۆڤاری ئەدەبی “A new ulster” تایبەت بە شیعرە و ۳۱ی مانگی مەی ۲۰۱۹ لە وڵاتی ئیرلەند لە ژومارە ۸۰ی خۆیدا چوار شیعری بە ناوەکانی:
۱٫ لۆرکا
۲٫ دوایین تانگۆ لە کۆپنهاگ
۳٫ئاخ عیشقەکەم
۴٫ تابووتێک لە ئاسماندا
بڵاو کردۆتەوە، شیعرەکان خالید چەڵەبی مامۆستای زانکۆ بەشی وەرگێڕانی زمانی ئینگلیزی، لە کوردییەوە کردوویەتی بە ئینگلیزی و دەقی کوردی شیعرەکان بڵاو نەبوونەتەوە.
?ماڵپەری فەرمی ئەو ناوەندە:
https://anuanewulster.wixsite.com/anewulster
?ئەو بەرهەمانەی لە داهاتوودا بڵاو دەبنەوە:
مانگی سێپتامبری داهاتوو گۆڤاری وەرزانەی”The Curlew”ی بریتانیا_لەندەن لە ژومارەی ۳ی خۆیدا شیعرێکی ناوبراو بە ناوی “لۆرکا” چاپ و بڵاو دەکاتەوە، ئەو گۆڤارە لە لایەن کتێبخانەکانی نیشتمانیی شیعری بریتانیا، کتێبخانەی نەتەوەیی بریتانیا و ئیسکاتلەند و وێڵز وەکوو سەرچاوە کەڵکی لێ وەردەگیردرێت. ئەو گۆڤارە بە شێوەی خۆبەخش کاری بۆ دەکەن و داهات و پشتگیرییەکەی هەر هەمووی لە پێناو ژینگە و رزگاری گۆی زەوی دایە و هەر ژومارەیەکیش ناوی درەختێکی ناو سروشتی لێ دەنێن.
?ماڵپەڕی فەرمی ئەو ناوەندە:
www.the-curlew.com
ناوەندى ئەدەبیى Hvedekorn ، گۆڤاری تایبەتی شیعر لە دانماڕک، لە ژومارەی داهاتووی خۆیدا سێ شیعری ناوبراو بە زمانی دانماڕکی بە ناوەکانی خوارەوە بڵاودەکاتەوە:
١:دوايين تانگۆ لە كۆپنھاگ
٢:ژيانى مۆدێڕن
٣:كچە سێكسييەكەى دۆناڵد تڕامپ
ئەو گۆڤارە یەکەم شومارەی لە ساڵی ۱۹۲۰ی زایینی لە کۆپنهاگ دەرچووە و ساڵێ چوار ژومارە بە شێوەی وەرزانە بڵاو دەکاتەوە و یەک لە ناسراوترین گۆڤاری ئەدەبی وڵاتی دانمارکیشە. شیعرەکان خودی شاعیر لە کوردییەوە بە یارمەتی نووسەرێکی دانماڕکی کردوونی بە دانماڕکی.
?ماڵپەڕی فەرمی ئەو ناوەندە:
www.hvedekorn.dk
ئەرسەلان چەڵەبی دوو کۆمەڵە شیعریشی بە ئینگلیزی و فەڕەنسی وەرگێڕدراون و ئامادەی چاپ و بڵاوبوونەوەن و لە ئێستا دا سەرقاڵی دیتنەوە و پەیوەندی لەگەڵ وەشانخانەکانە کە لە داهاتوو دا لە دووتوێی کتێبدا لە ئورووپا بڵاو دەبنەوە.
ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.
