ماڵی کتێبی کوردی
«دواهه‌مین هه‌ناری دونیا» چاپده‌كرێته‌وه.
به‌مزووانه چاپی نۆیه‌می ڕۆمانی «دواهه‌مین هه‌ناری دونیا»ی نووسه‌ر و ڕۆماننووس «به‌ختیار عه‌لی» بڵاوده‌كرێته‌وه.
چاپی نوێی «دواهه‌مین هه‌ناری دونیا» له‌لایه‌ن نووسه‌ر خۆیه‌وه چاپده‌كرێت و له ڕێگه‌ی ناوه‌ندی ڕۆشنبیریی ڕه‌هه‌نده‌وه دابه‌شده‌كرێت.
تابلۆی به‌رگی ڕۆمانه‌كه له‌لایه‌ن هونه‌رمه‌ند «ئامانج ئه‌مین»ـه‌وه دروستكراوه و له «چاپخانه‌ی كارۆ» چاپده‌كرێت.
«دواهه‌مین هه‌ناری دونیا» یه‌كێكه له به‌ناوبانگترین ڕۆمانه‌كانی به‌ختیار عه‌لی جگە لە سۆرانی و شێوەزاری کرمانجی تا ئێستا به پێنج زمانی جیهانی (ئه‌ڵمانی و فه‌ڕه‌نسی و ئیتاڵی و فارسی و عه‌ره‌بی) چاپ و بڵاوبووه‌ته‌وه و وا بڕیاره له ئه‌مساڵدا به زمانی ئینگلیزیش چاپبكرێت.
له گفتوگۆیه‌كی ڕۆژنامه‌وانیدا به‌ختیار عه‌لی ده‌ڵێت «گه‌ر بمرم و بهێڵن ته‌نها یه‌ك كتێبی خۆم ببه‌م بۆ ئه‌و دونیا، له نێو هه‌موو كتێب و نووسینه‌كانمدا «دواهه‌مین هه‌ناری دونیا» له‌گه‌ڵ خۆمدا ده‌به‌م».
