ماڵی کتێبی کوردی
مام عەوڵا دوو کوڕی ئاواڵ‌دووانەی هەبوو، لێکت نەدەکردنەوە… زۆر بزۆز و بزێو بوون… ڕۆژێکی مام عەوڵا پێیان دەڵێ ڕۆڵە هەستن یەکی قوماشێکی سپی لە خۆتان هاڵێنن و خۆتان بکەن بە مەلاییکەت و بچن تۆزێک نەسیحەتی جەباری دراوسێمان بکەن… مەشرووبێکی زۆر دەخواتەوە، بەشکوو بترسێ و بگەڕێتەوە و دەست لە کار و ئاکاری ناحەزی هەڵگرێ…
کوڕەکان وا دەکەن و شەودرەنگانێک دەچنە سەر جەباری و دەیتۆقێنن و زراوی دەبەن… تێی‌هەڵدەپێچن و لێی دەپرسن: دەی بەهۆی مەشرووب‌خواردنەوە چی خراپت کردووە لەو گەڕەکە؟
جەبار دەست دەکا بە گریان و لاڵانەوە و پاڕانەوە و دەڵێ: جارێکیان سەرخۆش بووم، زۆرم ئیشتیا لە ژنی ئەو مام عەوڵایەی دراوسێمان بوو… چووم و لێ‌نیشتم و دەستم لەگەڵ تێکەڵ کرد و پاشان بە زگێکی دوو کوڕی بوو… زۆریش پەشیمانم…
کوڕەکان بە سەرشۆڕی دەگەڕێنەوە لای باوکیان و دەڵێن: ها کەڵتەکۆن، جا بڕۆ بەدڵی خۆت پاڵ دەوە! بە مەلاییکەتی ڕۆیشتین و بە حەرامزادەیی گەڕاینەوە…
داڕشتنی مامۆستا سەلاحەددین ئاشتی
?ببنه ئه‌ندامی “ماڵی کتێبی کوردی”:
? https://t.me/kurdishbookhouse
ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.
