ماڵی کتێبی کوردی
یه‌کمین خڵات ئه‌ده‌بی «ئیلام»
ئه‌نجمه‌ن ئه‌ده‌بی «واران» وه ده‌سمیه‌ت ئداره‌ی کول فه‌رهه‌نگ و ئرشاد ئسڵامی ئیلام ئڕا ده‌سخوه‌شی کردن و هاندان(تشویق) شاعره‌یل، مه‌خسووسه‌ن شاعره‌یل جوان و نه‌وجوان، و بنیات‌نان فه‌زای ڕووشنێگ ئڕا ناسین و ناسانن ئستعداده‌یل ده‌ژ (بکر) و تازه ده حه‌وزه‌ی فه‌رهه‌نگ و ئه‌ده‌بیات کوردی ئوستان، ئاڵشت کردن ته‌جربه‌یل ئه‌ده‌بی و فایده بردن شاعره‌یل جوان له زانایی و زانست شاعره‌یل و نۊسه‌ره‌یل دیاری و خاوه‌ن‌قه‌ڵه‌م، و له یانه فێشتر هۊرداری ژه زوان کوردی، یه‌کمین ده‌وره‌ی خڵات ئه‌ده‌بی کوردی ئیلام و جه‌شنواره‌ی شێعر جوان کوردی ده شار ئیلام خە‌ێگه ڕێ.
به‌شه‌یل خڵات ئه‌ده‌بی ئیلام:
شێعر (کڵاسیک، نەو. شێعر زاڕوانە)
داستان و ڕومان
ته‌رجمه
شانوونامه (ادبیات نمایشی)
زوانناسی و ڕه‌خنه‌ی ئه‌ده‌بی
جی باسه ک هاموه‌خت وه‌رد ئه‌و ڕێ که‌فتن خڵات ئه‌ده‌بی، جەشنواره‌ی شێعر کوردی جوانیش که‌فێگه‌و ڕێ.
چۊنیه‌تی به‌شداری ده خڵات ئه‌ده‌بی کوردی ئیلام:
۱- شاعره‌یل و نۊسه‌ره‌یل وه هه‌ر سن و ساڵێگ تۊه‌نن ده به‌ش سه‌ره‌کی جه‌شنواره (خڵات ئه‌ده‌بی) به‌شدار بوون.
۲-کە‌سه‌یلێ ک خوازن ده به‌ش جەشنواره‌ی شێعر جوان به‌شداری بکه‌ن بایه‌د کە‌متر ژه ٣٥ ساڵان بووِن و وێنه‌یگ له ناسنامه‌ی خوە‌یان وه‌ل شعره‌یلیان کل بکه‌ن.
۳-شاعره‌یل، مته‌رجمه‌یل و نۊسه‌ره‌یل ئیلامی ئڕا به‌شداری ده خڵات ئه‌ده‌بی کوردی ئیلام بایه‌د سێ(۳) گله له کتاوه‌یلیان ئڕا ده‌بیرخانه‌ی خڵات ئه‌ده‌بی کل بکه‌ن. کتاوه‌یلێ تۊە‌نن ده خڵات ئه‌ده‌بی به‌شدار بوون که ده ساڵ ۱۳۹۰ تا ۱۳۹۸ چاپ کریاۊن و وه زوان کوردی یا ده باره‌ی زوان کوردی بوون.
٤-شێعره‌یلێ ک کل کرێ بایه‌د وه ڕێنۊس کوردی بوون.
-ئاخرین مووڵه‌ت کل کردن کتاو و شێعر ئڕا خڵات ئه‌ده‌بی و جەشنواره‌ێ شێعر، ۱۵ ڕه‌مشان(اسفند) ۱۳۹۸ـه
ئه‌و ڕێ که‌فتن خڵات ئه‌ده‌بی:
گوڵان (اردیبهشت) ۱۳۹۹
ناونیشان ده‌بیرخانه:
ئیلام، خیاوان پیرووزی، موجتەمه‌ع فه‌رهه‌نگ و ئرشاد ئسڵامی ئیلام، ده‌بیرخانە‌ێ خڵات ئه‌ده‌بی “ئیلام”
تلگرام: @xillati_ilam1
تلفون:۰۹۱۸۸۴۵۱۹۴۳
ئیمه‌یل: zwani_ime@gmail.com
