ماڵی کتێبی کوردی
داناسینا پرتووکا “تشتانۆك”ێ
عه‌لی پاکسرشت
“تشتانۆك” ناڤێ پرتووكەكێ یە كو عەلیێ فرووزش، لێكۆلینەرێ كورد ئێ خۆراسانێ د ۹۰ رووپەلان دە نڤیسیە، وەشانخانەیا “بیژەنیوورد”ێ ل خۆراسانا باكوور ژی چاپ كریە. تشتانۆك وەكی بەشەكە گەلەكی گرینگ ئا چاندا دەڤكی و دەولەمەند ئا كوردیا كورمانجیێ ھێدی ھێدی مالا ژ ناڤا مە بار دكە و دچە، ئەڤ ژی پڕانی ژ بەر ئاوایا ژیانا نوو یا گرێدایی تەكنۆلۆژیێ یە.
پرتووكا “تشتانۆك”ێ دگەل بەرساڤان و وەرگەرا فارسی یە. بەرێ كو تەلەڤیزیۆن و تشتێن وەكی وێ تونەبوون، جڤاتا جڤاكا كورد ب تایبەت ل پاییزا دەرنەگی و دەمسالا زڤستانێ پێ تشتانۆكان خوە سەرگەرم دكرن. ئەو تەنێ بۆ سەرگەرمیێ نەبوون، لێ گەل نێزیكی ھەڤدو، زمان ھەروھا ھشێ وان خورتتر دكرن. خوەندانا ڤێ بەرھەمێ ژ حەموو مالباتێن كورد ئێن كورمانج رە پێشنیار دكم و ھێڤیدارم گشت تشتانۆكێن كوردی وەرن بەرھەڤكرن سا كو ژ مرنێ بفلتن.
! ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.
