ماڵی کتێبی کوردی
رێ‌وڕەسمی «لێکدانەوەیەک لەسەر وێژەی هاوچەری هەورامی» لە زانکۆی کوردستان بەڕێوەچوو
ڕۆژی ٧/١٢/١٤٠٢ ڕێ‌وڕەسمی «لێکدانەوەیەک لەسەر وێژەی هاوچەرخی هەورامی» لە هۆڵی خەییامی کۆلێژی زمان و وێژەی زانکۆی کوردستان بەڕێوەچوو. ئەم ڕێ‌وڕەسمە لە لایەن ئەنجومەنی خوێندکاری – زانستیی زانکۆی کوردستان و بە بەشداریی دوو بەڕێز، کوورش ئەمینی و فەرشید ڕۆستەمی لە دوو پەنلدا بەڕێوەچوو.
لەم دانیشتنەدا دوای وتەکانی بەڕێزان د. یەدوڵا پەشابادی، سەرۆک‌بەشی بەشی زمان و وێژەی کوردیی زانکۆی کوردستان و عێرفان کەرەمی دەبیری ئەنجۆمەنی زانستی – خوێندکاریی زمان و وێژەی کوردیی زانکۆی کوردستان، لە سەرەتادا بەڕێز کوورش ئەمینی باسێکی ورد و توێژینەوەییی لەسەر مێژووی دەق و پەخشان، چیرۆک، کورتەچیرۆک و ڕۆمان و دواتر ڕۆڵی چاڵاکوانانی هەورامی و ئەنجۆمەنان لە بواری گەشەپێدان بە بەرهەمهێنانی پەخشانی زۆرتر بەم چەشنە زمانییەی کوردی پێشکەشی بەشداربووان کرد و هەروەها ناو و ناوی نووسەری بەرهەمەکان بەپێی دیرووکەوە خستە سەر باس. دواتر بەڕێز فەرشید ڕۆستەمی باسەکانی خۆیی لەسەر ڕەوتی شیعری هاوچەرخی هەورامی بە شێوازێکی ڕەخنەگرانە و بابەتی وەرگێڕان لەم بوارەدا پێشکەشی بەشداربووان کرد. ئەم دانیشتە لە لایەن مامۆستایانی و خوێندکارانی زانکۆ و بەڕێزانێک لە دەرەوەی زانکۆ پێشوازیی لێ کرا.
ئامادەکار: عێرفان کەرەمی
وێنە:
هر نوع بازنشر این متن با ذکر منبع «کانال کردستان‌نامە» مجاز است.
