ماڵی کتێبی کوردی
ناسر وەحیدی
ناسر وەحیدی سێ کۆمەڵە چیرۆکی لێ بڵاو بۆتەوە. «خەوەڕار» و «هاوار» و «خەونەکانی ئیقلیمی با». ناسر وەحیدی لە ڕێزی یەکەم کەسانێکە کە لە دوای قزڵجییەوە چیرۆکیان نووسیوە.
خەوەڕاو یەکەم هەنگاویەتی کە چوار گێڕانەوەی لە خۆ گرتووە.
دووهەم ئەزموونی نووسەر کۆمەڵە چیرۆکی «هاوار»ە. ئەو کۆمەڵە چیرۆکە یەک دوو چیرۆکی وەک «بووکە شووشە» و «گورگان خواردوو» تێدایە کە لە ریزی چیرۆکە باشەکانی ناسر وەحیدین.
سێهەمین کۆمەڵە چیرۆکی نووسەر«خەونەکانی ئیقلیمی با»یە. ئەم کتێبە ۱۴ کورتە چیرۆکی لە خۆ گرتووە. گرینگترین تایبەتمەندی ئەم کۆ چیرۆکە، هاتنە ئارای ئەو ئەزموونە نوێیەیە کە لە فۆڕمی چیرۆکەکاندا ڕەنگی داوەتەوە. هەر وەها لادانێکی بەرچاو بەرەو فانتزیا و هێماخوازی لە گێڕانەوەکاندا بەدی دەکرێ.
سه‌رچاوه: ڕەوتی گەشەکردنی چیرۆک و گێڕانەوەی کوردی، عەزیز مەحموودپوور
بۆ داگرتنی ته‌واوی بابه‌ته‌که ببنە ئەندامی کاناڵی تلگرامی ماڵی کتێبی کوردی…
