ماڵی کتێبی کوردی
کتێبی بەشێک لە بەرهەمەکانی «مەڵکە جوانڕۆیی» بڵاوکرایەوە
ئەدیب و بلیمەتی کورد مەڵکەی جوانڕۆیی ناسراو بە مەڵکەی مرادوەیس یان مەڵکەی سەفیاوایی. یەکێک بووە لە ئەدیبە ناودارەکانی سەدەی ۱۲ و ۱۳ی کۆچی مانگی. خوێندنی لە لای زانا و شاعێری بە ناوبانگ مەلا خدری ڕوواری دەسپێکردووە. دواتر دەبێتە مامۆستای مەولەوی تاوگۆزی و یەکێک بووە لە شاعێرانی گەورەی سەردەمی خۆی.
ساڵی ۱۲۴۰ی مانگی لە سەر بانگهێشتی ئەمانوڵڵاخانی والی دەچێتە سنە و لەوێ کاروباری دەرس گوتنەوەی مزگەوتی دارولئیحسانی پێ دەسپێردرێ.
بەناوبانگترین بەرهەمی مەڵکە کتێبی شیرین و خوسرەو بووە کە بە چەشنی خانای قوبادی هۆنیوەتەوە بەڵام بەداخەوە هێشتا هەر ونە.
ئەم بەرهەمە کۆمەڵێک شیعر و بەڵگەیە لە سەر ژیان و ئاسەواری مەڵکە کە لە لایەن غەفار ئیبراهیمی( سارۆ/ جوانڕۆیی) و یاسین موحەممەدییەوە کۆ کراوەتەوە و پێشکەشی لایەنگران و کتێبخانەی ئەدەبی کوردی کراوه.
سەرچاوە: شاهۆ نیوز
