خانه / پێشنیاری ده‌سته‌ی نووسه‌ران / ناساندنی کتێبی “باوکی دەوڵەمەند و باوکی هەژار”

ناساندنی کتێبی “باوکی دەوڵەمەند و باوکی هەژار”

ناساندنی کتێبی “باوکی دەوڵەمەند و باوکی هەژار”

نووسەری ئەم کتێبە ڕابێرت کیوساکییە. یەکەم جار لە ساڵی ١٩٩٧ چاپکراوە و بۆ ماوەی چەندین ساڵ یەکێک لە پرفرۆشترین کتێبەکان لە سەرتاسەری جیهان بووە و زیاتر لە ٣٦ ملیۆن دانەی بە ٤٠ زمان لێفرۆشراوە. لە کتێبەکەدا ڕابێرت کیوساکی چیرۆکی ژیانی خۆی لەبواری پەروەردەدا باس دەکات و باوکی خۆی کە مامۆستایێکی لێهاتوو و پلەبەرز بووە بە باوکی هەژار و باوکی هاوڕێکەی کە پۆلی هەشتەمی تەواو نەکردووە بە باوکی دەوڵەمەند ناودەبات. لە زۆربەی بەشەکانی کتێبەکەدا ڕابێرت کیوساکی بەسەرهاتی خۆی و ئامۆژگاریەکانی باوکی دەوڵەمەند دەگێڕێتەوە و جیاوازی بیر و بۆچوونی باوکی خۆی و باوکی هاوڕێکەی دەردەخات. کتێبەکە پێکهاتووە لە پێشەکی نووسەر و ۹بەش. مەبەستی نووسەر لەم کتێبەدا ڕەخنەگرتن لە بواری پەروەردە و ڕامیارییە کە خوێندەوار وەک کۆیلەیێک ڕادەهێنن تاوەکوو لە دەزگاکانی حکوومەت یان کۆمپانیاکاندا کاربکەن. لە هەر کام لەو ۹بەشەدا وانەیێک لە باوکی دەوڵەمەندی باسدەکات و گرفتەکانی کۆمەڵگای بەکاربەر و چینی هەژار و مامناوەند و بیر و بۆچوونەکانیان دەخاتەڕوو. هەروەها بیروبۆچوونی دەوڵەمەندەکان و شێوازەکانی مامەڵەکردن و بەکارهێنانی پارە لەلایەن ئەوانەوە شیدەکاتەوە.

بەشەکانی کتێبەکە:

  پێشەکی وەرگێڕ

  پێشەکی نووسەر

بەشی یەکەم: وانەی ١ : دەوڵەمەندەکان بۆ پاره ئیش ناکەن.

بەشی دووهەم: وانەی ٢: بۆچی خوێندەواری دارایی فێرببین؟

بەشی سێهەم: وانه ی ٣ : ئاگاداری کاری خۆتان بن.

بەشی چوارەم: وانه ی ٤ : مێژووی باج و دەسەڵاتی کومپانیاکان.

بەشی پێنجەم: وانه ی ٥ : دەوڵەمەندەکان پارە دروست دەکەن.

بەشی شەشەم: وانەی ٦: کاربکەن بۆ فێربوون کار مەکەن بۆ پارە.

بەشی حەوتەم: زاڵبوون بەسەر کۆسپەکاندا

بەشی هەشتەم: دەست پێبکە

بەشی نۆهەم: هێشتا دەتانەوێت زیاتر بزانن؟ دەبێت ئەم کارانە بکەن

 بیروڕای کۆتایی

ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.

درباره‌ی ماڵی کتێبی کوردی

همچنین ببینید

نیشانه‌ناسیی کۆمه‌ڵایه‌تی و ڕه‌نگدانه‌وه‌ی له‌ چیرۆکه‌کانی “سنوور” و “نوشتوو”دا

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *