خانه / پێشنیاری ده‌سته‌ی نووسه‌ران / ملوانکەیەک بە ملی کێلەوە!

ملوانکەیەک بە ملی کێلەوە!

ملوانکەیەک بە ملی کێلەوە !

بەگەردنتەوە کە بەرزترین نوختەی لێچۆڕینە بۆ خۆشەویستی
لەهۆشەوە سەیری بکەی
شا خەم
شا برین
شا یادگار
شا جوانی
شا بێگەردی و نیگەرانی
بەندۆڵە و دانراوە،

کە لەدامێنی شاخەکاندا
سوڵتان و شاکانم بەنەفرەت دەکرد و

لەگەردنی دەشتەوە درزی تینوێتی ڕێگاکانم
بەتاوانی ئەوان دەخوێندەوە

لە گەردنی تۆیا پێناسەکان دادەڕێژمەوە و
شەقی سپێدەیەکی نوێ لە باری بزەخەنەی بۆنگرتوی هەتاوییەکانتا
دەڕێژم،کە بڵێم
سپێدە
شا ئەوین
شا بەهار و
شا ڕەنگ
لە پەرتەوازە بوونی تاڵەکانی قژتا بەدەستی ئەو گڤە گڤەی
کە سوڵتانەکان بە ئاپۆرای خزمەتکارەکانیان دەیخەسێنن و
تۆ لەنێو بێدەنگی کتێبەکانتا هەڵتدەکرد،
پێدەگات.

لەسەر هەورەکان
لە سەر پشتی سورەوەبووی شوانەکان
لەسەر شوشە
لەسەر زریان
لەسەر گڕ و لەنێو گڕ و لە خۆڵەمێشی گڕکانەکانیشدا،
دەنوسرێت.
تاوی هەتاو چیرۆکێکی هەیە خێرا و سوتێنەر،

لە دەستی پێچ و پەنا هێنەران
گوڵ ترسێکی هەیە،
فرمێسکی تەقیو لەشوشەی چاوەکانتەوە،
ترسێک
لەرزینی خاچ بەدەستی پەتەوە
ترسێک
کە عەسرێک خۆی بەدەستەوە دەدات .

شێعر: چیا فایەق
دەنگ: فرمێسک. م

 بۆ داگرتنی ته‌واوی بابه‌ته‌که ببنە ئەندامی کاناڵی تلگرامی ماڵی کتێبی کوردی…

 https://t.me/kurdishbookhouse

ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.

درباره‌ی ماڵی کتێبی کوردی

همچنین ببینید

کتاو دەستوور زوان کوردی لەکی ڤەباوەت ڕێزوان لەکی چاپ و ڤڵارا بی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *