ماڵی کتێبی کوردی
کتێبوو “هۆدٚێو پەی وێ” بەڵاو کریاوە
کتێبوو (هۆدٚێو پەی وێ) نویسەر ویرجینیا وۆڵفێن، هۆرگێڵنایوە، خانم بارامی، بە ویراستاری مامۆسا کوورش ئەمینی،جەلاو وەڵاوگاو زایەڵەیوە؛ کە بە نەسرێ ڕەوان ڕازیانەوە، کە هەوڵ دریان بە هەورامیە ڕەسەنوە بنویسیۆ. بەشەی گردینوو «هۆدٚێو پەی وێ»، باسوو نامەوڵاویای ژەنا، ویەرینوو ئەدەبیاتوو ژەنان. شی کەردەیوەو ڕۆمانێ پێسەو ژانری ئەسڵی نویستەیو ژەنا، ژەنێ و داستانێ و کاریگەر بیەی زەڕی سەروو نویسەرە ژەناوە. ئی کتێبە ئیسەیچ وانەو زانشتگایەکاو ئامریکاینه، دەرس مدٚیۆ. هەرپاسە باسوو کاریگەریەو کەرۆ کە ژەنێ متاوۆ بۆش و ڕۆلێوی کە بۆ هۆو سەرکەوتەی هەر نەتەوێوی سەلەمنۆ کە بە ژەنا سەرەنج دریۆ.
دڵگیر بەهرامی
وۆڵفە چێگەنە پەیلوایوی تازە جەبارەو فمێنیزمیوە ئێرائە مدۆ، فاڕ و گۆرێوی بنەڕەتی وەزۆ ڕا؛ سەروو فمێنیستاوە ڕەخنە گێرۆ، سەروو خەتوو ژەنێ و پێویایشا دلێو گردوو زانشتوو بەشەرینە، بە تایبەت دلێو ئەدەبیاتی وەشکنۆ.
چی کتێبەنە وۆلفە فرەتەر سەروو ژەنە بلیمەتا و ژەنە نویسەرا هەرمانە کەرۆ…
پێشکەش بۆ بە گردوو شێرەژەنا ویربەرزاو هەورامانی.
پێشکەش بە گردوو ئا پیایا کە ترۆقی وڵاتی و سەربەرزی ژەنەکاشا و کناچەکاشا وەرکەو دڵیشانەن.
.
ئی بابەتە تایبەتا بە یانەو کتێبوو کوردی، بەڵاو کەردەیشەو هێما بە سەرچەمەی ڕاش پەنە دریەنە.
