خانه / پێشنیاری ده‌سته‌ی نووسه‌ران / كێشەی ڕۆمانی خەیاڵی و واقیعی لە چەند ڕۆمانێكی نوێی كوردیدا

كێشەی ڕۆمانی خەیاڵی و واقیعی لە چەند ڕۆمانێكی نوێی كوردیدا

كێشەی ڕۆمانی خەیاڵی و واقیعی لە چەند ڕۆمانێكی نوێی كوردیدا

ڕۆژی چوارشەممە، ڕێكەوتی ۲۰۲۳/۰۷/۱۲ لە كۆلێژی زمان زانكۆی سەلاحەدینی هەولێر، تاوتوێی نامەی ماستەری خاتوو ئاهورا کوردستانی بە ناونیشانی (كێشەی ڕۆمانی خەیاڵی و واقیعی لە چەند ڕۆمانێكی نوێی كوردیدا – توێژینەوەیەكی شیكاری ـــ تیۆری ـــ پراكتیكی)بەڕێوەچوو.

دوای گفتوگۆیەكی چڕ و پڕ و زانستی نامەكە بە پلەی (زۆرباشەی باڵا) پەسەندكرا. جێگای ئاماژەیە ئەركی سەرپەرشتیاری و ڕێپیشاندەری نامەكە لە ئەستۆی بەڕێز پ.د . موحسین ئەحمەد عومەر بووە.

لە درێژەدا خوێنەری پوختەی نامەی ماستەری خاتوو ئاهورا کوردستانی بن.

پوختە:

بابەتى سەرەکى ئەم توێژینەوەیە کێشەى ڕۆمانى واقیعى و خەیاڵییە لە ئەدەبى نوێى کوردى، ڕەهەندى واقیعى و خەیاڵى لە ئەدەبى کوردى میژووێکى هەیە، ئەم مێژووە لەگەڵ دەرکەوتن و گەشەسەندنى چیرۆک و ڕۆمانى کوردى دەردەکەوێ و پەرەدەسێنێ، بەڵام وەک ڕەگ و ڕیشە مێژوویەکی کۆنتری هەیە، لە فۆرمە کۆنەکانى گێڕانەوە لە ئەدەبى کۆنى کوردى وەک داستانە شیعرییەکان و چیرۆکە میللییەکان و زۆر فۆڕمى تر دەدۆزرێتەوە. توێژینەوەکەى ئێمە لە بارەى ئەدەبى نوێى کوردییە. لە سەرەتاى توێژینەوە پێشینەیەکمان پێشکەش کردووە بۆ تێگەیشتن لە کێشەى ڕۆمانى واقیعى و خەیاڵى لە ناوەندە جیاجیاکانى ئەدەبى و سەرچاوە جیاجیاکان لە پازدە ساڵى دوایى. پاشان بەشى یەکەم و دووەمى توێژینەوەکە کە بەشە تیۆرییەکانى ئەم توێژینەوەیە، تایبەتە بە لێکدانەوەى تیۆریى و ناساندنە تیۆرییەکان، دوو تەوەریش بۆ میژووى کێشەى ڕۆمانى خەیاڵى و واقیعى لە ئەدەبى کوردى و ئەدەبى جیهانى تەرخان کراوە. لە بەشى سێیەم کە تایبەت بە کارى شیکارى و کردەکى، سێ رۆمانى نوێى کوردیمان بە یارمەتى بەشە تیۆرییەکانى بەرایى شیکردۆتەوە و باسمان لە کۆمەڵێک تایبەتمەندى خەیاڵى و واقیعى کردووە وەک: کارەکتەر و شوێن و ڕووداو و وەسف و کات. وەک ئەنجامیش لەو باوەڕەداین ئەم بابەتە بە هۆى گرێچنى تیۆرى و کردەکى تایبەت بە خۆى دەشێ هێشتا پێویستى بە چەند توێژینەوەى تر بێ. ئەم هەوڵەى ئێمەش وەک کارێکى پێشەنگ، کرنەوەى دەروازەیەکە بەم ئاراستەیە.


  https://t.me/kurdishbookhouse

 ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.

درباره‌ی ماڵی کتێبی کوردی

همچنین ببینید

کتێبی «خۆبەڕیوەبەری شەنگال» چاپ و بڵاو کرایەوە

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *