خانه / پێشنیاری ده‌سته‌ی نووسه‌ران / کتێبە شێعروو «”پ” پێسەو پەنابەری» تازەتەرین بەرهەموو فەرشید ڕۆستەمی وەڵا کریاوە

کتێبە شێعروو «”پ” پێسەو پەنابەری» تازەتەرین بەرهەموو فەرشید ڕۆستەمی وەڵا کریاوە

کتێبە شێعروو «”پ” پێسەو پەنابەری» تازەتەرین بەرهەموو فەرشید ڕۆستەمی وەڵا کریاوە

کتێبە شێعروو «”پ” پێسەو پەنابەری»، تازەتەرین بەرهەمی شێعریو فەرشید ڕۆستەمین کە جە چاپەمەنیو گوتارینە وەڵا کریۆوە. ئی کتێبە کە ۵۶لاپەلێن، یەک شێعرەی درێژە گێرۆ وێ کە هەوڵ مد٘ۆ ئەزموون و دۆخەو پەنابەری و کۆچ‌کەردەی گێڵنۆوە. هەرپاسە ئینە یەکەم جارا کە ڕەوتوو شێعرێ تازێ هەورامیێ ئەزموونێوە پێسەو شێعرێ درێژێ، پی شێوازە گێرۆ وێ. کریۆ وچیۆ ئی شێعرێ دوێ تابلۆوێنە؛ٚ تابلۆو یەکەمینە هەوڵ دریان سەرنجە سەروو لایەنە شاریاوەکاو چەمکوو کۆچی دریۆ و ئی بابەتا نیشانە بد٘ۆ. تابلۆو دووەمی تێمێوە کۆمەڵایەتی_سیاسیەش هەنە و بەحسوو بڕێ کارەسات و ڕووداواش کەردەن کە سووژەو پەنابەری درێژەو ئی سەفەریشنە تا یاوای بە کەونارای تووششا مێ. پەنەوازا وچیۆ کە شاعێر چی شێعرێنە، پێچەوانەو شێعرە وەڵینەکاش، جە زوانێوە ئاسایی‌تەری بەهرەش گێرتەن. بڕیار پاسەن چی ماوەنە کۆڕێوە پەردەلادای و ڕەخنە و هورسەنگنای گیریۆ پەی ئی کتێبی. هەرپاسە فایلی دەنگیو گردوو شێعرەکێ بە دەنگوو شاعێری، هەر چێگە، یانەو کتێبخانەو کوردینە وەڵا بۆوە.

 

فەرشید ڕۆستەمی

وەڵتەر فەرشید ڕۆستەمی دوێ کتێبە شێعرێ هەورامیێش چاپ و وەڵا کەردێنێوە: «شپرز یانی من دنیا ئەفغانستان » ساڵەو ۹۷ی چاپەمەنیو گوتارینە و « مەرد٘ەی جارێ، نویستەی هەمیشەی » ساڵوو ۱۴۰۱ی جە وەڵاوگەو ۴۹کتێبی جە وەڵاتوو سوێدینە. هەرپاسە کتێبوو «وطنی برای زخم و تنی برای عشق» کە ئانتۆلۆژیێ جە شاعێرە تازەنویسەکاو هەورامانین، بە هورچنیەی و تەرجومەو ڕۆستەمی، ساڵوو ۹۹ی تاراننە وەڵا بیەنەو.

پاژێوە چی شێعرەکێ:

حەز کەرێنێ جیا ساکی و سەد دۆڵارا
جیاتی پاور بانکی و هەرسەکاو داموو خواحافێزی
حەز کەرێنێ یاگێو گۆرانیاو دلێ مۆبایلەکەیم
قسێو تۆم پەنە بیێ
حەرفێ، حەسرەتێ
سەرئێشێت گێرتێم گەرد٘ەن
سەروو مەرزەکانە
تەرسوو سەروازە خوانەژناسەکانە شارتێمەو
جیاتی دەسام، دەسێت
جیاتی کولیێم با وەیلانیت
جیاتی باڵێم پەپوولەییت
دەسێم مەڕیا
با جیاتی ئی شێعرێچە
ئاخێت کێشتێم بە کۆڵ و زۆر شۆنوو وێمرە

بۆ داگرتنی ئاڵبۆمە شیعری « “پ” پێسەو پەنابەری» بەرهەمی فەرشید ڕۆستەمی کرتە بکە سەر بەستەری خوارەوە.

داگرتنی ئاڵبۆمە شیعری « “پ” پێسەو پەنابەری»

  https://t.me/kurdishbookhouse

 ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.

درباره‌ی ماڵی کتێبی کوردی

همچنین ببینید

کتاو دەستوور زوان کوردی لەکی ڤەباوەت ڕێزوان لەکی چاپ و ڤڵارا بی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *