خانه / پێشنیاری ده‌سته‌ی نووسه‌ران / ژمارەی یەکەمی مانگنامەی فەراتابی کوردی بڵاو کرایەوه

ژمارەی یەکەمی مانگنامەی فەراتابی کوردی بڵاو کرایەوه

ژمارەی یەکەمی مانگنامەی فەراتابی کوردی بڵاو کرایەوه.

مانگنامەی فەراتاب کوردی، گۆڤارێکی چاپی-ئەلکترۆنی مانگانەیە، سەر بە گرووپی میدیایی فەراتاب، کە بە شێوازێکی شیکاری، زانستی و فایل تەوەرانە و بە دوو زمانی کوردی و فارسی مژارە گرنگەکانی بواری سیاسەت، ئابووری، کۆمەڵایەتی، فەرهەنگی و هتدی سەردەم بە تایبەت رۆژهەڵاتی ناوین و جوگرافیای کوردی دەخاتە بەرباس و لێکۆڵینەوە.

سەبارەت بە ڕوانگەی چالاکیی مانگنامەی فەراتابی کوردی، لە سەروتاری ئەم گۆڤارەدا، بە قەڵەمی ئەردەشیر پەشەنگ بەڕیوەبەر و سەرنووسەری مانگنامە هاتووە:” فەراتاب کوردی بە پەیڕەوکردنی بیرۆکەی مەولانایی ” ئێمە بۆ پەیوەنددان هاتووین”، لە ڕێگای ناساندنی دەرفەتە لەبیرکراو و نەناسراووەکان و مژۆڵبوون بە کێشە و باسە زیندووەکانی ئەوڕۆ، هەوڵ دەدات لە ڕێی توانا و هەوڵە میدیاییەکانی خۆیەوە، بەش بە حاڵی خۆی، لە نێوان شارەزایانی بیرمەند و ئاکادیمیسیەن و تەنانەت خوێنەرانی ئاسایی کۆمەڵگا، وەک پردێکی پەیوەندی ڕۆڵ بگێڕێت و بوارێکی شیاوی دۆستایەتی، پێکەوەسازان و دیالۆگی باشتر و زیاتری لایەنەکان بڕەخسێنێت. لەم ڕووەوە بە ڕوانگەیەکی هیوادارانە و هاودڵانەوە، بەرامبەر هەموو خاوەن قەڵەم و ڕایەکی باوەڕمەند بە دیالۆگ، دۆستایەتی، ئاشتی و ڕەخنە و سازانی بونیاتنەری فیکری لە ڕیگای هەوڵی مەدەنی، زانستی و فەرهەنگی بە ئامرازی میدیا و ڕاگەیەنەرە گشتییەکان؛ دەستی هاوڕێیەتی و هاوکاری ڕادەدەین، و هەمووان باش دەزانین ” کە ئەم دەردی هاوبەشە، بە پەرتەوازەیی، چارەسەر نابێت!…”

یەکەمین ژمارەی مانگنامەی فەراتابی کوردی، لە ۱٦ فایل بریتی لە؛ ١۴٩ ڕاپۆرت، یادداشت، وتووێژ و وەرگێڕانی تایبەتی پێکهاتووە.

“دیمەنی داهاتووی بزووتنەوەی کوردی لە تورکیا”، بریتی لە وتووێژی تایبەتی لە گەڵ پڕۆفیسۆر عەباس وەلی و عوسمان بایدەمیر، چەندین فایلی جیاواز سەبارەت بە کاریگەرییەکانی کۆرۆنا لە سەر ژیانی سیاسی، کۆمەڵایەتی و هزری، کورتەمێژووی نوێنەرانی کورد لە مەجلیسی شۆرای ئیسلامی، کوردستان لە چاوی کامێراوە تا جیهانی دیزاین، بڵاوکردنەوەی وەرگێڕانی یەکەمین چیرۆکی کتێبی نوێی سەلاحەدین دمیرتاش و هتد، بەشێک لە ناوەڕۆکی فایلەکانن.

سەردێری فایلەکانی ژمارەی یەکەمی مانگنامەی فەراتابی کوردی، بریتین لە:

  • فایلی یەکەم: پەرلەمانی ئێران لە ڕێڕەوی مێژوودا: لە ئەشکانیان تا کۆماری ئیسلامی
  • فایلی دووهەم: کۆرۆنا لە گۆڕەپانی سیاسەتدا
  • فایلە سێهەم: کاردانەوە جیهانییەکان بەرامبەر کۆرۆنا
  • فایلی چوارەم: کاریگەریی کۆرۆنا لەسەر هزر و ژینی سیاسی
  • فایلی پێنجەم: دیمەنی داهاتووی کوردەکان لە تورکیا
  • فایلی شەشەم: هیوای کۆمەڵایەتی لە سێبەری کۆرۆنادا
  • فایلی حەوتەم: کاتێک ژنان دەبنە پێشەنگی خەبات!
  • فایلی هەشتەم: ئەو تەنیا ١١ ساڵان بوو کە خۆی کوشت
  • فایلی نۆهەم: ئابووری
  • فایلی دەهەم: کورد و هونەری حەوتەم
  • فایلی یازدەهەم: کۆرۆنا، کەرەنتین و چالاکڤانانی فەرهەنگ
  • فایلی دوازدەهەم: لە پانتایی جیهانی ئەدەبیاتدا
  • فایلی سێزدەهەم: سەفەرکردن قەدەغەیە!
  • فایلی چواردەهەم: بە کاتی چێشت لێنان
  • فایلی پانزدەهەم: کورد و کوردستان لە چاوی کامێراوە تا جیهانی دیزاین
  • فایلی شانزدەهەم: گەشتیاریی تەندروستی

فایلی چاپیی مانگنامە لە کتێب‌فرۆشییە ناسراوەکانی زۆربەی شارە کوردییەکانی ئێران و هەرێمی کوردستانی عێراق ڕوو لە بازاڕی چاپەمەنی دەکات.

فایلی ئەلکترۆنی مانگنامە لە بەستەری ماڵپەڕ و ئاپەکانی فیدیبۆ و طاقچە بە ناونیشانی خوارەوە لەبەر دەستە:

بەستەری ماڵپەڕی طاقچه

https://taaghche.com/book/81475/

بەستەری ماڵپەڕی فیدیبۆ

https://fidibo.com/books/search?key=فراتاب

! ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە  ڕێگە پێدراوە.

درباره‌ی ماڵی کتێبی کوردی

همچنین ببینید

خوێندنەوەیەکی کورت بۆ بەشێک لە ئاڵۆزییەکانی کتێب و وتاری کوردی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *