خانه / پێشنیاری ده‌سته‌ی نووسه‌ران / خڵات بەڕۊ پەیوەنی دەر هەمیشانەی چاڵاکەیل و وەردەنگەیل زوان داڵگی

خڵات بەڕۊ پەیوەنی دەر هەمیشانەی چاڵاکەیل و وەردەنگەیل زوان داڵگی

خڵات بەڕۊ پەیوەنی دەر هەمیشانەی چاڵاکەیل و وەردەنگەیل زوان داڵگی

هەفتەنامەی دەنگ ئازادی وە بەرپرسایەتی دوکتوڕ جەلیل ئاهەنگەرنژاد نزیک وە دو دەهەس ک لە پەلەیل جوورایجوور کولتووری ـ ئەدەبی دانیشتنەیل و پڵانەیل وەنرخێگ ئڕای گەشەی ئەدەبیات و کولتوور کرماشان و ئیلام وەڕێ بردێە. یەکێگ لە ئێ پڵانەیلە، خڵات شێعر و چیرووک جوان بەڕۊە، ک ساڵانە شاعێر و نۊسەرەیل بەهێز و خاوەن بانان وڵات ناسنێدە وەردەنگەیل و هاوڕێەیل زوان داڵگی.

ئێ خڵاتە ئمساڵ هەم وە دەسمیەت داوەرەیل ئەدەبی زانا و بەهێز وە شێوەی زانستی و سەختگیرانە پێشکەش بۊ وە دو نۊسەر جوان بەهێز مازیار نەزەربەیگی و محەمەدجەواد مهری (ماجوو).

مازیار نەزەربەیگی ک هەڵوێژیای بەش چیرووک ئێ خڵاتە بۊە، خاوەن دو ڕومان کوردیە وە ناوەیل “پاڵتاوێگ ئڕای کەیخودا” و “تاتریک (سانێگ لە بان ئاو)”.

لە تایبەتمەندیەیل کار مازیار نەزەربەیگی، ڕوایەتگەری بەهێز و هونەرمەندانە و پەیوەنی دەر وەردەنگ وەگەرد ناوەڕووک و جەریان داستان، هۊر کردن وە مژاریل ڕووژ و گیچەڵەیل کوومڵگای ئمڕووژ، زوان ڕێک و پێک و ڕەسەن کوردی، ستایل پۆست مودڕن، کەڵک گرتن لە نووڕگەیل فەڵسەفی وە زوان سادە و دڵبقرچ وە شێوەێگە ک وەردەنگەیل لە هەر ئاستێگ لە زانیاریەو بتۊەنن وەگەردێا پەیوەنی قۊل بگرن.

محەمەد جەواد مهری (ماجوو) ک هەڵوێژیای بەش شێعر بۊە، خاوەن کوومە خەزەڵ “ژاو”ـه ک ئامادەی چاپە و لە بانان نزیک بڵاو بوودن و ڕەسێ وە دەس وەردەنگەیل ئەدەبیات وڵات. محەمەدجواد مهری (ماجوو) ئازمان لە گشت سەبکەیل و قاڵبەیل داشتێە و توەنستێە وە زوان سادە و ڕەسەن کوردیەو لە قاڵبەیل خەزەڵ، دوبەیتی، چوارخشتی، سپید، ئازاد و… شێعرەیل ڕەنگین و بەهێزێ هەڵوەسێ. نووڕگەیل تازە و ئاماژە وە مژارەیل جوورایجوور نوو و ئمڕووژی لە تایبەتمەندیەیل کار ئێ شاعێر جوانە بۊە ک تۊەنستێە جواوگوو وەردەنگ ئمڕووژ زوان و ئەدەبیات کوردی بوو.

سپاس لە بەرپرس و گشت زامەت کیشەیل هەفتەنامەی دەنگ ئازادی. هیوادارم لە ئێ ڕێە بەردەوام بوون و کاناڵ پەیوەنی چاڵاکەیل وڵات و وەردەنگەیل بوون.


فردەوس هاشمی

 بۆ داگرتنی ته‌واوی بابه‌ته‌که ببنە ئەندامی کاناڵی تلگرامی ماڵی کتێبی کوردی…

 https://t.me/kurdishbookhouse

ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە

درباره‌ی ماڵی کتێبی کوردی

همچنین ببینید

بایسته‌های حمایت از کودکان قربانی مین

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *