ماڵی کتێبی کوردی
زانا (عەلیڕەزا ) قاسمی فەڕ چالاکی فەرهەنگی – کۆمەڵایەتی، نووسەر و شاعیری گەڕووسی، ساڵی ۱۳۵۲هەتاوی لە بیجاڕ لە دایک بووە و هەر لە قۆناغی دواناوەندی دەستی کردوەتە نووسین و تاکوو ئێستا بەردەوام خەرێکی نووسین و چالاکییە.
عەلیڕەزا قاسمی فەڕ کارناسی باڵای علوومی سیاسییەوە و دوو کتێبیشی لەم بوارەدا لە چاپ داوە
۱- جستاری در جامعە مدنی
۲- فوکو، حقیقت و قدرت
«شناسنامەام در برگ ریزان متولدم میشود» تەنیا کتێبی شێعری فارسی زانایە کە ساڵی ۸۰ لە چاپ دراوە و بە دوای ئەو کتێبە دا چند کتێبی کوردی بڵاو بوەتەوە.
۱-جۊجگە مر پۆپەلار (یەکەم کتێبی کوردی منداڵان بە زاراوەی گەڕۊسی)
۲-پاییز پڕە لە دۊەت و خەیاڵ(چوار خشتی کوردی )
۳- نیخوازم (وەرگێڕانی چێرۆکی منداڵان )
ئێستاکەیش خەریکی نووسینی ڕۆمانێکی مێژوویی سەبارەت بە سەردەمی مادەکانە و بەرگی یەکەمی ئەم ڕۆمانە کە بە زمانی فەرمی سۆرانی نووسراوە بە کۆتایی گەیشتوە و بەم زووانە لە چاپ ئەدرێت.
ناوبراو بەرپرسی مانگنامەی تەلخایە و هەروەها براوەی چەندین خەڵاتی شعری بووە لەوانە دەکرێ ئاماژە بە: خەڵاتی شیعری مەولەوی کورد و خەڵاتی شیعری خوێندکاران بکرێ. زانا قاسمی فەڕ بەرپرس و بەڕێوبەری فیستیواڵی ئەنجومەنی ئەدەبی باکووری وڵات بووە و لە چەندین خەڵات وەک لێژنەی داوەری بەشداری کردووە.
لە ئێستادا بابەتەکانی قاسمی‌فەڕ لە حەوتەنامەی “سیروان”دا بڵاو دەبێتەوە.
ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە
