خانه / پێشنیاری ده‌سته‌ی نووسه‌ران / کتێبی «کەس خۆی بۆ تەرک ناکرێ» بڵاوکرایەوە.

کتێبی «کەس خۆی بۆ تەرک ناکرێ» بڵاوکرایەوە.

کتێبی «کەس خۆی بۆ تەرک ناکرێ» چاپ و بڵاوکرایەوە.

سەلاح موحەمەدی

رەنگە ئەم وتەیە وتەیەکی زۆر گوتراو بێ کە هەم خۆم و هەمیش زۆرێک لە شاعیران و لایەنگرانی شیعر ئەڵێن شیعر رێگەیەکە بۆ دەرباز بوون لە رەنجەکانی مرۆڤ و دوور کەوتنەوەی لە واقیعی تاڵی ژیان؛ زاویە و خەتێکی ستاتیکی و هەستی‌ناسانەیە بۆ جۆش خواردنی دونیای شاعیر و خوێنەر لە رێگەی زمانی کار لە سەر کراو و دژە عورف و واقیعەوە. بێگومان بۆ ئەم رۆژانی نەهامەتی و پڕ لە ترس و نیگرانیە شیعر ئەتوانێ هۆکارێک بێ بۆ هێمن بوونەوە و جیا لەوەش هەلێک بێ بۆ ریکاڤێریی ئەو دونیا زەوت کراو و خنکێندراوانەی دەستی ژیانی پڕ لە قەرەباڵغی و سەرئێشەی رۆژانەیی کە خوازراو و نەخوازراو زاتی پێکەوەنەری دونیاکان و بەردەوام خەلقکردنەوەی جیهانە زەینیەکانی خستۆتە فەرامۆشییەوە.

کتێبی ” کەس خۆی بۆ تەرک ناکرێ” لە یەکەم چرکەی نووسینیەوە تا چاپ بوونی بە داخەوە تووشی زۆر تەئخیر و دواکەوتن و کێشە هات و سەرەڕای ئەوە زۆر دۆست و هاوڕێ یارمەتیدەرم بوون کە لە کۆتاییا گەیشتە ئەوەی ئێستا لە رێگەی ئەم ئاگادارییەوە هەوالی چاپ بوونی بە دۆستان و خوێنەران بدەم.

ئێستا کتێبی “کەس خۆی بۆ تەرک ناکرێ” لە ۷۶ شەش لاپەڕەدا لە لایەنی ناوەندی چاپ و بڵاو کردنەوەی خانی لە چاپ درا و ئامادەیە بگاتە دەستی خوێنەران. راستیەکەی پێم خۆش بوو لە کۆڕێکی شیاوا بە رێک و پێکی لە خزمەتی لانیکەم هەندێ لە خوێنەران و دۆستانا بم و راستەوخۆ پێشکەشیان بکەم ، بەڵام بە داخەوە بە هۆی ئەم قەیرانی کۆرۆنا ڤایرۆسەوە و لە بەرچاو گرتنی تەندرووستی دۆستان و مەترسیی کۆبوونەوە چاو پۆشیم لەوە کرد و بۆ گەیاندنی کتێبەکە بە دەستی خوێنەران لە رێگەی کتێب فرۆشیەکان و هەروەها ناردن لە رێگەی پۆستەوە لە لایەنی ناوەندی خانی و خۆمەوە لە خزمەتتانا ئەبین.

زۆر سوپاس بۆ ئەو کەسانەی یارمەتییان دام. سوپاس بۆ ئەو هاوڕێیانە کە پەیگیری چاپ بوونی کتێبەکە بوون . 

سەلاح موحەمەدی ۲۳/۳/۲۰۲۰ سنە ٭ هەزینەی پۆست کردن بۆ ئەو دۆستانە کە لە رێگەی پۆستەوە خوازیاری کتێبەکەن لە ئەستۆی شاعیر و ناوەندی بڵاوکردنەوەی خانیە.

ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.

درباره‌ی ماڵی کتێبی کوردی

همچنین ببینید

ژمارەی نوێی گۆڤاری مه‌هاباد چاپ و بڵاوکرایەوە.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *