ماڵی کتێبی کوردی
مەراسیمی پەردەلاران لەسەر كتێبێكی «فەرهەنگی پیران» لە سلێمانی بەڕێوە چوو
ڕۆژی پێنجشەممە ۱۹/۱۰/۲۰۲۳ مەراسیمی بڵاوكردنەوەی نوێترین كتێبی هاوبەشی بوشرا کەسنەزانی و د.سەباح بەرزنجی لە سلێمانی بەڕێوەچوو
بڵاوبوونەوەی فەرهەنگی پیران، كە مژدەی دەرچوونی پێشتر لە ماڵپەڕی ماڵی كوردییەوە بڵاوكرایەوە، ڕۆژی پێنجشەممە، بە ئامادەیی ژمارەیەكی زۆر لە نووسەران، هونەرمەندان، كەسایەتی دیار و سیاسی و كۆمەڵایەتی و ئایینی و گروپ و تاقمی جیاوازی ڕۆشنبیری، دەزگای چاپ و پەخشی سەردەم لە سینەما سالم، كۆڕێكی بۆ ناساندنی فەرهەنگی پیران ڕێخست، كە تێدا یاسین عومەر بە پێشەكییەك لە بارەی تەسەوفەوە، كۆڕەكەی دەستپێكرد، پاشان نوسەران پڕۆفیسۆر دكتۆر سەباح بەرزنجی و پڕۆفیسۆری یاریدەدەر دكتۆر بوشرا كەسنەزانی لە بارەی گرنگی فەرهەنگی تەسەوفەوە قسەیان كرد، پاشان ئاماژەیان دا بە تەسەوف لە كلتووری كوردی دا.
شایانی باسە كتێبەكە لە لە دوو توێی هەزار و سی و حەوت پەڕەدا چاپ بووە، نزیكەی هەزار و حەوسەد چەمك و زاراوەی تەسەوفیی تێدا شیكراوەتەوە.
وێنەی ڕێ‌وڕەسمی پەردەلادان لەسەر کتێبی «فەرهەنگی پیران»
ئەم بابەتە تایبەتە بە ماڵی کتێبی کوردی و بڵاوکردنەوەی بە ئاماژەدان بە سەرچاوە ڕێگە پێدراوە.
